घरच्या घरी बनवा झटपट ढोकळा; वाचा रेसिपी

हिवाळ्यात पारंपरिक पद्धतीने तयार केलेला ढोकळा खूप चविष्ट लागतो. हिवाळ्यात गरमागरम ढोकळा खाण्यासाठी ही सोपी रेसिपी वापरून तुम्ही घरच्या घरी झटपट ढोकळा तयार करू शकता.

•  बेसन - 2 कप
•  दही- 1 कप
•  पाणी- 1 कप
• हळद पावडर- 1/4 टीस्पून
• साखर- 1 टीस्पून
•  मीठ- चवीनुसार
• आले-हिरवी मिरची पेस्ट - 1 टीस्पून
•  बेकिंग सोडा - 1/4 टीस्पून किंवा इनो फ्रूट सॉल्ट - 1 टीस्पून

• तेल - 2 टेबलस्पून
• मोहरी (राई) - 1 टीस्पून
•  कढीपत्ता - 8-10 पानं
• हिरव्या मिरच्या - 2-3 (लांब चिरलेल्या)
• साखर - 1 टीस्पून
•  पाणी - 1/4 कप
• लिंबाचा रस - 1 टेबलस्पून

• एका भांड्यात बेसन, दही, पाणी घालून गाठी न राहता गुळगुळीत पीठ तयार करा.
• त्यात हळद, साखर, मीठ, आणि आले-हिरवी मिरची पेस्ट मिसळा. पीठ 15-20 मिनिटे झाकून ठेवा.

• एका मोठ्या भांड्यात 2-3 कप पाणी गरम करून त्यात स्टँड किंवा जाळी ठेवा.
• प्लेट किंवा ढोकळा प्लेटला तेल लावून तयार ठेवा.

• वाफवण्याआधी पीठात बेकिंग सोडा किंवा इनो फ्रूट सॉल्ट घालून मिक्स करा.
• लगेचच हे पीठ तयार केलेल्या प्लेटमध्ये ओता आणि स्टीमरमध्ये ठेवा.
• 15-20 मिनिटे मध्यम आचेवर वाफवा. नंतर तपासून पाहा.

•  एका छोट्या पातेल्यात तेल गरम करा. त्यात मोहरी, कढीपत्ता, हिरव्या मिरच्या टाकून तडाका द्या.
• त्यात साखर, पाणी, आणि लिंबाचा रस घालून उकळी आणा.

तयार फोडणी गरम ढोकळ्यावर एकसारखी पसरवा, जेणेकरून फोडणी चांगली मुरेल.

• ढोकळ्यावर कोथिंबीर आणि किसलेले नारळ घालून सजवा.
• ढोकळा चटणीसोबत गरमागरम सव्‍‌र्ह करा.