कर्करोगानं ग्रस्त बहुतेक रुग्णांचं आजाराच्या एखाद्या पातळीवर वजन कमी होतं.जेव्हा कोणतंही स्पष्ट कारण नसताना आपल वजन कमी होतं, तेव्हा त्याला अनपेक्षितपणे वजन कमी होणं म्हणतात.
कर्करोग असलेल्या प्रत्येकाला कधीतरी ताप येतो, विशेषतः जर कर्करोग किंवा त्याच्या उपचारांचा रोगप्रतिकारक शक्तीवर परिणाम होत असेल तेव्हा.
अत्यंत थकवा येणं, विश्रांती घेऊनही तो न जाणं हे कर्करोग वाढत असल्याचं एक महत्त्वाचं लक्षण असू शकतं. काही कर्करोगांमध्ये, ल्युकेमियाच्या सुरुवातीलाच खूप थकवा येऊ शकतो.
त्वचेच्या कर्करोगाबरोबरच, इतर काही कर्करोगांमुळे त्वचेत बदल होऊ शकतात.ज्यामध्ये त्वचा गडद होणं , त्वचा आणि डोळे पिवळे होणं, त्वचेचा लालसरपणा, खाज सुटणे अश्या समस्या निर्माण होतात.
लघवी करताना वेदना होणं, लघवीमध्ये रक्त येणं किंवा मूत्राशयाच्या कार्यात बदल होणं मूत्राशय किंवा प्रोस्टेट कर्करोगाशी संबंधित असू शकतं.
सतत खोकला येणं हे फुफ्फुसाच्या कर्करोगाची लक्षण असू शकतं. तुम्हाला तीन आठवड्यांपेक्षा जास्त काळ त्रास होत असल्यास तुम्ही डॉक्टरांना भेटून त्यांचा सल्ला घ्यावा.