शरीराची 'केमिकल फॅक्टरी'

लिव्हर शरीरात 500 पेक्षा जास्त महत्त्वाची कामं करतं. म्हणूनच त्याला शरीराची 'केमिकल फॅक्टरी' असंही म्हणतात. डॉ. सलीम झैदी यांनी लिव्हर निरोगी ठेवण्यासाठी काही सोपे उपाय सांगितले.

ड्राय फ्रुट्समध्ये अक्रोड लिव्हरसाठी सर्वात फायदेशीर आहे. अक्रोड लिव्हरच्या पेशी निरोगी ठेवतं. तसेच, शरीराला नैसर्गिकरित्या डिटॉक्स (विषारी घटक बाहेर काढणे) करण्यास मदत करतं.

हळदीमध्ये 'करक्युमिन' नावाचा एक घटक असतो. हा घटक लिव्हरची सूज (Inflammation) कमी करतो. यामुळे लिव्हरला होणारं नुकसान टळतं आणि त्याचं संरक्षण होतं.

गाजरामध्ये बीटा-कॅरोटीन आणि अँटीऑक्सिडंट्स भरपूर प्रमाणात असतात. हे घटक लिव्हरच्या पेशींचं फ्री रॅडिकल्सपासून होणारं नुकसान टाळतात आणि त्यांना सुरक्षित ठेवतात.

लसूण लिव्हरमधील एन्झाइम्स (enzymes) सक्रिय करतो. यामुळे शरीरातील विषारी आणि अनावश्यक घटक सहजपणे बाहेर टाकले जातात.

बीट रक्त शुद्ध करण्यास मदत करतं. तसेच, लिव्हरमधील ऑक्सिडेटिव्ह डॅमेज कमी करून त्याची कार्यक्षमता वाढवतं. यामुळे लिव्हर मजबूत होतं.