उबर शिकारा: दल सरोवरावर आशियातील पहिली जल परिवहन सेवा सुरू

आशियातील पहिली जल परिवहन सेवा उबर शिकारा आता जम्मू-काश्मिरच्या सुंदर दल सरोवरात उपलब्ध आहे. उबरने आपल्या अ‍ॅपवर शिकारा बुकींगची सेवा सुरू केली आहे. जाणुन घ्या याची विशेषता

दल सरोवरात येणारे पर्यटक आता उबरच्या पहिल्या जल परिवहन सेवा 'उबर शिकारा'च्या लॉन्चमुळे परेशानी मुक्त प्रवासाचा अनुभव घेतील.

या नाविन्यपुर्ण उपक्रमाचा उद्देश परंपरेशी तंत्रज्ञानाची जोड देणे हा आहे. ज्यामुळे प्रवाशांना लोकप्रिय राईड-हेलिंग अ‍ॅपद्वारे शिकारा राईड्स आगाऊ बुक करता येईल.

ही सेवा उबेर इंडिया आणि दक्षिण आशियाचे अध्यक्ष प्रभजीत सिंग यांनी सुरू केली. त्यांनी ॲपद्वारे पहिली शिकारा राइड बुक केली.

ते म्हणाले की उबेर शिकारा कंपनीसाठी मैलाचा दगड आहे, कारण इटली (व्हेनिस)सारख्या निवडक युरोपियन देशांमधील सेवांनंतर आशियातील ही पहिली जलवाहतूक सेवा आहे

Uber ने 7 स्थानिक शिकारा मालकांसोबत भागीदारी केली व वापरकर्त्याच्या मागणीच्या आधारावर विस्तार करेल. वाजवी किंमत सुनिश्चितीसाठी सरकारच्या नियमन केलेल्या दरावर राइड्स उपलब्ध असतील

दल सरोवराच्या मध्यभागी असलेल्या नेहरू पार्कमध्ये 7 शिकारे आहेत. महत्त्वाची बाब म्हणजे उबेर भागीदारांकडून कोणतेही शुल्क आकारणार नाही,  ज्यामुळे संपूर्ण भाडे बोट चालकांना दिले जाईल.

उबेरच्या संप्रेषण संचालक रुचिका तोमर यांनी सांगितले की, श्रीनगरला भेट देणाऱ्या प्रत्येकाने शिकारा राईडचा अनुभव घेतला पाहिजे.

प्रत्येक उबेर शिकारा राईडमध्ये जास्तीत जास्त ४ लोक बसू शकतात. दररोज सकाळी १० ते संध्याकाळी ५ या वेळेत १ तास बुकिंगसाठी उपलब्ध आहे. १२ तास ते १५ दिवस अगोदर राइड्स बुक करता येतात.

उबरने यापूर्वी कॅब सेवांसह श्रीनगरमध्ये अस्तित्व प्रस्थापित केले आहे. उबर शिकारा लाँच करण्यामागे पर्यटकांना दल सरोवरात बोटीतून प्रवासाचा आनंद लुटण्याचा मार्ग बदलण्याचा उद्देश आहे.