दक्षिण गाझामधून सैनिकांना मागे बोलवत आहे इस्रायल

मागील सहा महिन्यांपासून चाललेली इस्रायल हमास यांच्यातील युद्ध आता शांत झालेलं दिसून येत आहे. इस्रायल दक्षिण गाझा येथून आपल्या सैनिकांना मागे बोलवत आहे. 

गाझाचे लोक त्यांच्या घराकडे आता परत येत आहेत. गाझाच्या चारही बाजूला पडलेल्या इमारती आणि त्यांचे अवशेष बाकी असल्याचं दिसून येत आहे. 

गाझा मधून इस्रायलचे सैनिक निघून गेले असले तरी येथे फक्त मृतदेहांचा वास येत असल्याचे येथील प्रत्यक्षदर्शी उपस्थित असणाऱ्या व्यक्तीने सांगितले. 

गाझामधील एका व्यक्तीने सांगितलं की, आमच्याकडे आता कोणतेही शहर नसून फक्त अवशेष शिल्लक आहेत. येथून अवशेष बाजूला केल्यानंतर अजूनही मृतदेह सापडत असल्याचे सांगण्यात आले आहे. 

इस्रायलच्या सैन्याने आपल्या देशात परत जाण्याच्या घेतलेल्या निर्णयामुळे लोक परत आपल्या घराकडे परत येत आहेत. पण घराकडे आल्यानंतर त्यांच्याकडे फक्त आता निराशा बाकी राहत आहे. 

खान युनिस परिसरात ऑक्टोबरच्या आधी चार लाख लोक राहत होते, अशी माहिती समजली आहे. पण आता येथे फक्त पडलेल्या इमारती आणि अवशेष बाकी आहेत. 

गाझाच्या लोकांच्या म्हणण्यासानुसार त्यांच्याकडे जरी आता घर नसले तरी तंबूत राहण्यापेक्षा ते आता व्यवस्थित आहेत अशी त्यांची भावना आहे. 

लोक युद्धाच्या ठिकाणावरून या आशेने परत येत आहेत की त्यांच्या घराचे काही अवशेष अजूनही बाकी आहेत.