'महाराष्ट्राची हास्यजत्रा' फेम पृथ्विक प्रतापचे आणखी एक स्वप्न साकार

महाराष्ट्राची हास्यजत्रा शो मधून प्रेक्षकांचे खळखळून मनोरंजन करणाऱ्या पृथ्विकने आयुष्यातील स्वप्नांची एक लिस्ट तयार केली आहे. याच लिस्टमधील आणखी एक स्वप्न पृथ्विकचे साकार झाले आहे.

पृथ्विक प्रतापने नवी कार खरेदी केल्याची आनंदाची बातमी सोशल मीडियावरील प्लॅटफॉर्म इंस्टाग्रामवर शेअर केले आहेत. खरंतर, दुसरे स्वप्नपूर्ती झाल्याचे म्हणत एक खास पोस्टही शेअर केलीय.

पृथ्विकने इंस्टाग्राम पोस्टमध्ये ‘पाहिलेल्या स्वप्नांची यादी पूर्ण करण्याच्या प्रवासाला थोडी गती मिळावी म्हणून संयमाची चार चाके जोडतोय. आशिर्वाद आणि प्रेम असू द्या’ असे म्हटले आहे.

पृथ्विकने किया कार खरेदी करत पोस्टमध्ये पुढे म्हटले, ‘First is always precious म्हणून Siri please play ‘आले तूफान किती…’ असे म्हटले आहे.

पृथ्विक प्रतापने नवी कोरी कार खरेदी केल्यानंतर चाहत्यांकडून त्याला शुभेच्छा दिल्या जात आहेत. 

पृथ्विकने नवी कार खरेदी करण्याआधी घर घेण्याचे स्वप्न पूर्ण केले आहे. याचे काही फोटोही पृथ्विकने सोशल मीडियात शेअर केले होते. 

पृथ्विक प्रतापने 'क्लास ऑफ'83', 'डिलिव्हरी बॉय' आणि 'ममता चाइल्ड फॅक्टरी' अशा सिनेमांमध्ये काम केले आहे.