पावसाळ्यात ओले कपडे पटकन कसे वाळवावेत, उपाय घ्या जाणून

कपडे धुतल्यानंतर ते चांगले फिरवून/पिळून निथळणे महत्त्वाचे आहे. जर वॉशिंग मशीनमध्ये 'स्पिन मोड' असेल, तर त्याचा उपयोग करा. यामुळे अतिरिक्त पाणी निघून जाते आणि कपडे लवकर वाळतात.

सतत पाऊस असल्याने गॅलरी किंवा खिडकीत कपडे वाळवणं कठीण जातं. अशा वेळी घरात वारा खेळतो किंवा फॅन खाली अशी जागा निवडा. खालून किंवा बाजूने पंखा लावा आणि हवा खेळती ठेवा.

कपडे एकमेकांना चिकटून असले, तर त्यामध्ये हवा खेळत नाही आणि ते उशिरा वाळतात. त्यामुळे प्रत्येक कपड्याच्या मध्ये थोडं अंतर ठेवा. 

जर एखादे कपडे तातडीने हवे असतील, तर तुम्ही हेअर ड्रायरचा वापर करू शकता किंवा इस्त्री करूनही थोडं ओलसरपणा कमी करू शकता. पण ही पद्धत रोजच्या वापरासाठी नाही, फक्त गरजेपुरतीच वापरा.

ओले कपडे उशीराने वाळल्यास त्यांना ओलसर वास येतो. त्यामुळे त्यावर थोडं साखर-सोडा पावडर भुरभुरा किंवा धुताना थोडेसे सांद्र सुगंधी डिटर्जंट वापरा. 

ज्यांच्या घरी डिह्युमिडिफायर (ओलसरपणा कमी करणारे उपकरण) आहे, त्यांनी त्याजवळ कपडे वाळवावेत. किंवा घरात एखादा कोरडा कोपरा जिथे सूर्यप्रकाश येतो – तिथेही टांगून ठेवू शकता.