कॉमेडियन भारती सिंह एका मोठ्या समस्येचा सामना करत आहे. नुकत्याच शेअर केलेल्या एका व्लॉगमध्ये भारतीने कोणत्या आजाराचा सामना करतेय याची माहिती दिलीय.
भारतीने म्हटले की, गेल्या तीन दिवसांपासून आरोग्यासंबंधित समस्या उद्भवल्याने फार त्रास होतोय. भारतीने पती हर्ष लिंबाचियासोबत रुग्णालयात आल्याचे सांगितले.
व्हिडीओच्या सुरुवातीला भारती सिंहने म्हटले की, तिला फूड पॉइजनिंग झाले आहे. पण डॉक्टरांनी काही वैद्यकीय चाचण्या केल्या असता मला होत असलेला त्रास गंभीर असल्याचे सांगितले.
भारती सिंहने पुढे म्हटले की, पित्ताशयात खडे झाले आहेत. यामुळे काहीही खाल्ले तरीही दुखते आणि उलटी होते. यामुळे पती हर्षही फार दु:खी झाला आहे.
रुग्णालयात दाखल झाल्यानंतर भारती आपला मुलगा गोला याला फार मिस करतेय. आरोग्यासंबंधित उद्भवणाऱ्या समस्येकडे दुर्लक्ष केले. खरंतर असे करायला नको होते.
भारतीने आपल्या चाहत्यांनाही म्हटले की, आरोग्यासंबंधित समस्यांकडे वेळीच लक्ष दिले पाहिजे. जेणेकरुन तुम्हाला रुग्णालयात धाव घ्यावी लागणार नाही.
भारती सिंहला मुंबईतील कोकिलाबेन रुग्णालयात दाखल करण्यात आले आहे. सध्या भारतीला लिक्विड डाएट दिले जातेय. लवकरच भारतीची प्रकृती सुधारली जाईल अशी अपेक्षा केली जातेय.