अफगाणिस्तानात घरगुती हिंसाचार कायदेशीर, पतीच्या परवानगीशिवाय भेटायला गेल्यास पत्नीला 3 महिन्यांचा तुरुंगवास!

Taliban New Law Legalizes Domestic Violence : पतीच्या परवानगीशिवाय नातेवाईकांना भेटायला गेल्यास पत्नीला तीन महिन्यांच्या तुरुंगवासाची शिक्षा होईल, असेही कायद्यात म्हटले आहे.

Taliban New Law Legalizes Domestic Violence : तालिबानने घरगुती हिंसाचार कायदेशीर केला आहे. पतीला पत्नीला मारहाण करण्यासाठी कायद्याचे संरक्षण दिले आहे. मात्र, मारहाणीत पत्नीची हाडे मोडल्यास पतीला १५ दिवसांची तुरुंगवासाची शिक्षा भोगावी लागेल, असे तालिबानच्या नवीन कायद्यात स्पष्ट केले आहे. पण, शरीर पूर्णपणे झाकलेल्या अवस्थेतच पत्नीला दुखापत झाल्याचे न्यायालयात सिद्ध करता आले, तरच पतीला शिक्षा होईल, असेही नवीन कायद्यात म्हटले आहे. घरगुती हिंसाचाराला बळी पडलेल्या महिलेला फक्त पती किंवा कुटुंबातील इतर पुरुषांसोबतच न्यायालयात जाता येईल.

पतीच्या परवानगीशिवाय नातेवाईकांना भेटायला गेल्यास पत्नीला तीन महिन्यांच्या तुरुंगवासाची शिक्षा होईल, असेही कायद्यात नमूद आहे. संविधानातील सुधारित निकषांनुसार, अफगाण समाजाची चार गटांमध्ये विभागणी करण्यात आली आहे. २००९ मध्ये अमेरिकेच्या पाठिंब्याने संविधानात महिलांवरील अत्याचार रोखण्यासाठी केलेले बदलही तालिबानने रद्द केले आहेत. नवीन कायद्यानुसार, जर एखाद्या पुरुषाने महिलेला मारहाण केली आणि तिला गंभीर दुखापत किंवा हाडे मोडली नाहीत, तर तो गुन्हा मानला जाणार नाही. महिलांच्या हक्कांवर कठोर निर्बंध लादण्याच्या तालिबानच्या धोरणांचाच हा एक भाग म्हणून याकडे पाहिले जात आहे. 

तालिबानच्या या नवीन कायद्यामुळे आंतरराष्ट्रीय स्तरावर मोठा विरोध होत आहे. महिलांना सार्वजनिक जीवन आणि शिक्षणापासून आधीच वंचित ठेवणाऱ्या तालिबानने आता त्यांच्या सुरक्षेलाही धोका निर्माण करणारे कायदे लागू केले आहेत.