Nepal Crisis: माजी पंतप्रधान प्रचंड यांच्या मुलीच्या घरात आढळला जळालेला मृतदेह, १० फोटोमध्ये पाहा 'धगधगता नेपाळ'

Nepal Crisis: नेपाळमध्ये सोशल मीडिया बंदीमुळे सुरू झालेली हिंसा आता भयंकर रूप धारण करत आहे. या दंगलीत २४ जणांचा मृत्यू झाला असून ४०० हून अधिक जखमी झाले. दरम्यान, माजी पंतप्रधान पुष्प कमल दहल 'प्रचंड' यांच्या मुलगी गंगा यांच्या घरातून एक मृतदेह सापडला

काठमांडू जेल हिंसाचार

नेपाळमधील हिंसाचाराच्या पार्श्वभूमीवर काठमांडूतील एका तुरुंगाबाहेर कैद्यांनी फर्निचर आणि इतर साहित्य जाळले. नेपाळच्या तुरुंगातून आतापर्यंत १३ हजार कैदी पळून गेले आहेत.

सोशल मीडिया बंदी विरोध

काठमांडूमध्ये अनेक सोशल मीडिया प्लॅटफॉर्म ब्लॉक करण्याच्या सरकारच्या निर्णयाविरोधात आंदोलकांनी रस्त्यावर टायर जाळले. नंतर ही बंदी उठवण्यात आली.

काठमांडू संचारबंदी

बुधवारी १० सप्टेंबर रोजी काठमांडूमध्ये संचारबंदी लागू झाल्यानंतर माजी पंतप्रधान झालानाथ खनल यांच्या निवासस्थानाजवळून जाणारा एक सुरक्षा रक्षक. डावीकडे, खनल यांच्या निवासस्थानातील जळालेल्या वाहनाचे अवशेष.

नेपाळी सैन्य तैनात

नेपाळी सैन्याचे जवान सिंह दरबार कार्यालय परिसरात गस्त घालताना, जिथे पंतप्रधान कार्यालय आणि इतर मंत्रालये आहेत.

संसद भवन जाळले

कथित भ्रष्टाचाराविरोधात हिंसक निदर्शने झाल्यानंतर जमावाने नेपाळच्या संसद भवनाला आग लावली. संपूर्ण इमारत धुराने व्यापली.

काठमांडू दंगल

राजधानी काठमांडूच्या रस्त्यांवर दंगल करणारे उपद्रवी. जमावाने नेपाळच्या सर्वोच्च न्यायालयाला आग लावली, ज्यामध्ये २५००० फायली जळून खाक झाल्या.

बस जाळली

बुधवारी काठमांडूच्या भटभटेनी सुपरमार्केटमध्ये कथित भ्रष्टाचाराविरोधात सरकारविरुद्ध निदर्शने झाल्यानंतर एक जळालेली बस.

इमारतीला आग

काठमांडूच्या भटभटेनी सुपरमार्केटमध्ये कथित भ्रष्टाचाराविरोधात हिंसक निदर्शनादरम्यान आंदोलकांनी आग लावलेल्या इमारतीतून निघणारा धूर.

काठमांडूमध्ये रस्त्याच्या मधोमध लावली आग

नेपाळमधील हिंसाचाराच्या पार्श्वभूमीवर काठमांडूमध्ये रस्त्याच्या मधोमध आग लावणारा उपद्रवी. लोकांनी कोट्यवधी रुपयांची सरकारी मालमत्ता जाळली.

नेपाळ हिंसाचार

नेपाळमध्ये गेल्या तीन दिवसांत उपद्रवींनी पंतप्रधान ओली यांच्या घरासह राष्ट्रपती भवन, सर्वोच्च न्यायालय आणि तीन माजी पंतप्रधान शेर बहादुर देउबा, झालानाथ खनल आणि पुष्प कमल दहल प्रचंड यांच्या घरांना आग लावली. सैन्याने आतापर्यंत २७ जणांना अटक केली आहे.