Bangladesh Violence : बांग्लादेश पुन्हा पेटला, हिंदूंच्या घरांवर आणि दुकानांवर जमावाचा हल्ला

Mob Attacks Hindu Homes and Businesses in Bangladesh : बांग्लादेशच्या रंगपूर जिल्ह्यात एका मुस्लिम तरुणाच्या मृत्यूनंतर मोठा तणाव निर्माण झाला आहे. या घटनेनंतर संतप्त जमावाने हिंदूंच्या घरांवर आणि दुकानांवर हल्ला केला. 

Mob Attacks Hindu Homes and Businesses in Bangladesh : बांग्लादेशमध्ये पुन्हा एकदा हिंदूंच्या घरांना आणि व्यवसायांना लक्ष्य करण्यात आलं आहे. रंगपूर जिल्ह्यात एका जमावाने हिंदूंच्या वस्तीवर हल्ला करत अनेक घरं आणि दुकानं उद्ध्वस्त केली. एका मुस्लिम तरुणाच्या मृत्यूनंतर ही घटना घडली. शनिवारी पहाटेच्या सुमारास संतप्त जमावाने हा हल्ला केला.

मिळालेल्या माहितीनुसार, एका वादामधून या मुस्लिम तरुणाचा मृत्यू झाला होता. या मृत्यूला हिंदू जबाबदार असल्याचा आरोप करत एक मोठा जमाव एकत्र आला. या जमावाने घरांवर आणि दुकानांवर दगडफेक केली, गाड्यांची तोडफोड केली. इतकंच नाही तर अनेक घरं पेटवून देण्यात आली. घटनेची माहिती मिळताच पोलीस घटनास्थळी दाखल झाले आणि त्यांनी परिस्थिती नियंत्रणात आणली. परिसरात तणाव वाढू नये म्हणून मोठा पोलीस बंदोबस्त तैनात करण्यात आला आहे. या प्रकरणी पोलिसांनी अनेक लोकांना ताब्यात घेतलं असून, दोषींवर कठोर कारवाई केली जाईल, असं आश्वासन स्थानिक प्रशासनाने दिलं आहे.