Riyadh Attack: रियाधवर पुन्हा हल्ला,एक मिसाइल जमिनीवर कोसळलं; मोठी दुर्घटना टळली

Iran Targets Riyadh Again With Missiles and Drones Air Defense Intercepts Most: इराणने पुन्हा एकदा रियाधला लक्ष्य करत हल्ला केला. दोनपैकी एक मिसाइल एअर डिफेन्सने रोखलं, तर दुसरं निर्जन ठिकाणी पडलं. याशिवाय, सीमेपार आलेले सात ड्रोन्सही पाडण्यात आले.

रियाध: इराणने आज पुन्हा रियाधवर हल्ला केला. इराणने डागलेल्या दोन मिसाइलपैकी एक जमिनीवर कोसळलं. सुदैवाने, ते निर्जन भागात पडल्याने मोठी दुर्घटना टळली. याशिवाय, देशाच्या सीमेत घुसलेले सात ड्रोन्स पाडण्यात यश आलं आहे. रियाधला लक्ष्य करून डागलेली बॅलेस्टिक मिसाइल्स रोखल्याची माहिती संरक्षण मंत्रालयाने दिली आहे.

संरक्षण मंत्रालयाचे प्रवक्ते मेजर जनरल तुर्की अल-मलिकी यांनी सांगितलं की, पहाटेच्या वेळी उत्तर आणि पूर्व सीमेवरून आलेले सात ड्रोन्स नष्ट करण्यात आले. याशिवाय, रियाधच्या दिशेने दोन बॅलेस्टिक मिसाइल्स डागल्याचंही लष्कराच्या निदर्शनास आलं. यापैकी एक मिसाइल हवेतच नष्ट केलं, तर दुसरं मिसाइल मानवी वस्ती नसलेल्या भागात पडलं.

मिसाइल हल्ल्याच्या धोक्यामुळे, अल-खर्ज प्रांतात 'नॅशनल प्लॅटफॉर्म फॉर अर्ली वॉर्निंग'द्वारे सिव्हिल डिफेन्सने तातडीचा इशारा जारी केला. सुरक्षेची खबरदारी म्हणून हे पाऊल उचलण्यात आलं आहे.