बांगलादेशात 8 हिंदू घरात असताना मुस्लिम दंगलखोरांनी दाराला बाहेरुन कुलूप लावून 2 घरे जाळली!

Hindu Homes Burned By Mob In Bangladesh : बांगलादेशच्या चटगांव जिल्ह्यात हिंदूंवरील हिंसाचार सुरूच आहे. पश्चिम सुलतानपूर गावात कट्टरवाद्यांनी दोन हिंदू कुटुंबांच्या घरांना आग लावली. दरवाजे बाहेरून बंद होते, पण 8 जणांनी कशीबशी आपली सुटका करून घेतली.

Hindu Homes Burned By Mob In Bangladesh : बांगलादेशमध्ये हिंदूंविरोधातील हिंसाचार थांबण्याचे नाव घेत नाहीये. सोमवारी पहाटे ३:४५ वाजता चटगांव जिल्ह्यातील पश्चिम सुलतानपूर गावात कट्टरपंथी जमावाने २ हिंदू कुटुंबांची घरे जाळली. यावेळी जमावाने पीडितांचे दरवाजे बाहेरून बंद केले होते. या घटनेत दोन्ही घरांमधील ७ खोल्या पूर्णपणे जळून खाक झाल्या. ही दोन्ही घरे सुखा शिल आणि अनिल शिल यांची होती.

रिपोर्ट्सनुसार, घटनेच्या वेळी दोन्ही घरांमध्ये सुमारे ८ लोक उपस्थित होते. रात्री जेवण करून सर्वजण झोपले असताना कट्टरवाद्यांनी आग लावली. आग लागल्यानंतर झालेल्या गोंधळात घरातील लोकांनी बाहेर पडण्याचा प्रयत्न केला असता, दरवाजे बाहेरून बंद असल्याचे त्यांना समजले. आपला जीव वाचवण्यासाठी लोकांनी बांबू आणि टिनचे पत्रे कापून कसेबसे बाहेर पडून स्वतःला वाचवले. आगीत अनिल शिल यांच्या घरातील सामान आणि ९० हजार टका (बांगलादेशी चलन) रोख रक्कम जळाली. याशिवाय त्यांचा पासपोर्टही जळून खाक झाला आहे.

७ वर्षांच्या मुलीलाही जिवंत जाळले

यापूर्वी बांगलादेशच्या लक्ष्मीपूरमध्ये १९ डिसेंबरच्या रात्री कट्टरवाद्यांनी बांगलादेश नॅशनलिस्ट पार्टी (BNP) चे नेते बिलाल हुसैन यांचे घर बाहेरून बंद करून आग लावली होती. या आगीत त्यांची ७ वर्षांची मुलगी आयशा अख्तर हिचा जिवंत जळाल्याने मृत्यू झाला. तर, १६ वर्षांची सलमा अख्तर आणि १४ वर्षांची सामिया अख्तर या दोन मुली गंभीर जखमी झाल्या.

बांगलादेशात यापूर्वीही हिंदूंच्या घरांना लक्ष्य

काही दिवसांपूर्वी चटगांवच्या धेयूपारा गावात आणि त्याआधी कुटिया बरुईपारा गावातही अशाच प्रकारे हिंदूंच्या घरांना आग लावण्यात आली होती. तर, १८ डिसेंबर रोजी मैमनसिंह येथील रहिवासी असलेल्या २७ वर्षीय दीपू चंद्र दास यांना ईशनिंदेच्या आरोपाखाली जमावाने आधी बेदम मारहाण केली आणि नंतर त्यांचा मृतदेह झाडाला लटकवून जाळला. दीपू यांच्यावर कारखान्यात काम करणाऱ्या काही लोकांनी ईशनिंदेचा खोटा आरोप लावला होता. दास यांनी कोणाच्याही भावना दुखावणारी कोणतीही गोष्ट किंवा पोस्ट केल्याचा कोणताही पुरावा तपासात आढळला नाही.