या एका कारणासाठी पतीने 72 वेळा पत्नी-शेजाऱ्यात ठेवले संबंध, कथेचा शेवट हैराण करणारा!

German Man Sues Neighbor After Failed Pregnancy Pact : जर्मनीमध्ये वंध्यत्व निवारण्यासाठी पतीने पत्नीला गर्भवती करण्यासाठी शेजाऱ्याला $2500 दिले. 72 प्रयत्नांनंतरही तो अयशस्वी ठरला, तेव्हा तपासणीत शेजारीही परिपूर्ण नसल्याचे समोर आले. 

German Man Sues Neighbor After Failed Pregnancy Pact : खऱ्या आयुष्यातील काही घटना चित्रपटांच्या कथांपेक्षाही अधिक धक्कादायक आणि विचित्र असतात. अशीच एक घटना आता समोर आली आहे. बाळ मिळवण्याच्या हट्टात एका पतीने घेतलेला विचित्र निर्णय अशा वळणावर पोहोचला की प्रकरण कोर्टात गेले. नेमकं काय घडलं, हे जाणून तुम्हालाही क्षणभर धक्का बसेल. ही घटना आपल्या देशातील नाही, तर जर्मनीमधील आहे. डेमेट्रियस सोपोलोस आणि त्यांची पत्नी ट्राउट हे स्टुटगार्ट नावाच्या शहरात राहतात. विशेष म्हणजे, ट्राउट एक सामान्य गृहिणी नसून, तिने एका सौंदर्य स्पर्धेत भाग घेतला होता. या जोडप्याच्या लग्नाला अनेक वर्षे झाली होती, पण त्यांना मूलबाळ होत नव्हते. वैद्यकीय तपासणीनंतर डॉक्टरांनी सांगितले की डेमेट्रियसला वंध्यत्वाची समस्या आहे आणि तो कधीही वडील होऊ शकत नाही.

डेमेट्रियसने केला एक विचित्र करार...

पत्नीला कोणत्याही परिस्थितीत गर्भवती करण्यासाठी आणि बाळ मिळवण्यासाठी त्याने एक अतिशय विचित्र मार्ग निवडला. याच उद्देशाने त्याने आपल्या शेजारी राहणाऱ्या फ्रँक माऊस नावाच्या व्यक्तीशी संपर्क साधला. डेमेट्रियसने सांगितले की, जर फ्रँकने त्याच्या पत्नीसोबत संबंध ठेवून तिला बाळ दिले, तर तो त्याला $2500 देईल. पण सुरुवातीला फ्रँकच्या पत्नीने नकार दिला. अखेर, फक्त पैशांसाठी हे करत असल्याचे सांगून फ्रँकने तिची समजूत काढली. अशाप्रकारे डेमेट्रियस आणि फ्रँक यांच्यात एक लेखी करार झाला. 6 महिन्यांच्या करारानुसार फ्रँकने आपले काम सुरू केले. तो आठवड्यातून तीन वेळा डेमेट्रियसच्या घरी जायचा. एकदा-दोनदा नव्हे, तर तब्बल 6 महिने उलटून गेले. हिशोबानुसार, त्यांनी सुमारे 72 वेळा संबंध ठेवले. पण त्याचा काहीच उपयोग झाला नाही. ट्राउट गर्भवती झालीच नाही.

कथेत आला धक्कादायक ट्विस्ट

6 महिन्यांनंतरही काहीच चांगली बातमी न आल्याने डेमेट्रियस संतापला. त्याने फ्रँकनेही वैद्यकीय तपासणी करावी, असा आग्रह धरला, जेणेकरून नेमकी अडचण कुठे आहे हे कळेल. जेव्हा चाचणीचा अहवाल आला, तेव्हा सर्वांनाच धक्का बसला. सत्य हे होते की डेमेट्रियसप्रमाणेच फ्रँक माऊसदेखील वंध्यत्वाच्या समस्येने त्रस्त होता. तोदेखील मुलांना जन्म देऊ शकत नव्हता, हे उघड झाले.

ही बातमी समोर येताच फ्रँकच्या पत्नीने आणखी एक गौप्यस्फोट केला. तिने कबूल केले की त्यांची दोन मुले फ्रँकची नाहीत आणि तिनेही दुसऱ्या कोणामार्फत गर्भधारणा केली होती. आपली फसवणूक झाल्याचे लक्षात येताच डेमेट्रियसने कोर्टाचा दरवाजा ठोठावला. त्याने करार मोडल्याबद्दल फ्रँकवर खटला दाखल केला आणि आपले पैसे परत करण्यासोबतच नुकसान भरपाईचीही मागणी केली. हे प्रकरण सध्या कोर्टात सुरू आहे. पण, वृत्तानुसार, न्यायाधीशांनी अशा अनैतिक करारांना कायदेशीर मान्यता आहे का आणि हे प्रकरण सुनावणीस योग्य आहे का, असा प्रश्न उपस्थित केला आहे. बाळासाठी डेमेट्रियसप्रमाणे शेजाऱ्यावर अवलंबून राहण्याची ही विचित्र घटना आता सोशल मीडियावर व्हायरल होत आहे.