Washing Tips: शूज धुवायला वेळ नाही किंवा शूजमधून खूप दुर्गंध येतोय? काळजी करू नका. शूज न धुताही त्याचा वास घालवून पुन्हा फ्रेश कसा करायचा? यासाठी काही सोप्या टिप्स.
उन्हाळ्यात पायांना खूप घाम येतो. हा घाम शूजमध्ये तसाच राहतो आणि त्यामुळे बॅक्टेरिया वाढतात. यामुळे शूज काढल्यावर एक विचित्र वास येतो. ऑफिस, कॉलेज किंवा मित्रांच्या घरी गेल्यावर यामुळे लाजिरवाणं वाटू शकतं. जेव्हा शूज धुवायला वेळ नसेल, तेव्हा तुम्ही या सोप्या टिप्स वापरू शकता.
25
बेकिंग सोड्याची जादू (Baking Soda)
बेकिंग सोडा फक्त स्वयंपाकासाठी नाही, तर तो एक उत्तम दुर्गंधनाशक म्हणूनही काम करतो. एका लहान कापडात किंवा जुन्या सॉक्समध्ये 2 चमचे बेकिंग सोडा टाकून त्याची एक पुरचुंडी बांधा. ही पुरचुंडी रात्रभर शूजमध्ये ठेवा. यामुळे शूजमधील ओलावा शोषला जाईल आणि वास पूर्णपणे निघून जाईल. सकाळी शूज घालण्यापूर्वी ही पुरचुंडी काढून टाका.
35
व्हिनेगर एक सुपर सोल्यूशन! (Vinegar Solution)
व्हिनेगरमधील ॲसिडिक गुणधर्मामुळे दुर्गंध निर्माण करणारे बॅक्टेरिया नष्ट होतात. एका रिकाम्या स्प्रे बाटलीत अर्धे पाणी आणि अर्धा व्हाईट व्हिनेगर (White Vinegar) एकत्र करून चांगले हलवा. हे मिश्रण शूजच्या आतल्या बाजूला स्प्रे करा. त्यानंतर, शूज किमान 1-2 तास उन्हात वाळवा. यामुळे शूज पुन्हा नव्यासारखे होतील.
शूजमधून खूप जास्त वास येत असेल, तर रबिंग अल्कोहोल खूप वेगाने काम करतं. एका कापसाच्या बोळ्यावर (Cotton ball) अल्कोहोल घेऊन शूजच्या आतल्या कानाकोपऱ्यात व्यवस्थित चोळा. यामुळे शूजमधील बॅक्टेरिया लगेच मरतात. अल्कोहोल लवकर उडून जातं, त्यामुळे शूजमध्ये ओलावा राहत नाही. (हे वापरताना आग किंवा स्टोव्हजवळ जाऊ नका. तसेच, वापरल्यानंतर हात धुवा आणि थोडे मॉइश्चरायझर लावा).
55
हवेशीर ठेवा
हवेशीर ठेवा: शूज वापरल्यानंतर लगेच कपाटात ठेवू नका. किमान २-३ तास बाहेर हवेशीर ठिकाणी ठेवा. सॉक्सकडे लक्ष द्या: नेहमी कॉटनचे सॉक्स वापरा, कारण ते घाम चांगला शोषून घेतात. एकदा वापरलेले सॉक्स न धुता पुन्हा वापरू नका. शूज बदलून वापरा: रोज एकच जोडी घालण्याऐवजी, दोन जोड्या एक दिवसआड वापरा. यामुळे शूज वाळायला पुरेसा वेळ मिळतो. हे लक्षात ठेवा: तुमचे शूज बाहेरून स्वच्छ असतील आणि फक्त आतून वास येत असेल, तर या टिप्स चांगल्या प्रकारे काम करतील. पण जर शूज खूपच घाण झाले असतील, तर त्यांना धुणे किंवा 'ड्राय क्लीन' करणे हाच योग्य मार्ग आहे.
