फॉक्सवैगन कारवर ३ लाखांपर्यंत सूट, मिळवा बंपर ऑफर

ऑटो डेस्क : दिवाळीत कार खरेदी करू शकला नाहीत तरी काळजी करू नका, ऑफर्स अजूनही सुरू आहेत. नवीन वर्ष येण्यापूर्वी घरात नवी कार उभी करू शकता. जर तुम्ही कार खरेदी करण्याचा विचार करत असाल तर फॉक्सवैगनच्या कारवर २.८ लाख रुपये म्हणजेच जवळजवळ ३ लाखांपर्यंतची बंपर सूट सुरू आहे. तुम्ही Taigun मिड-साईज SUV, वर्टस मिड-साईज सेडान आणि मोठी Tiguan SUV खरेदी करू शकता. याशिवाय अनेक मॉडेल्सवर कॅश डिस्काउंट, एक्सचेंज बोनस किंवा स्क्रॅपेज बोनस आणि लॉयल्टी बोनस मिळत आहे. मात्र, या कारवरील सूट वेगवेगळ्या शहरांमध्ये वेगवेगळी असू शकते.

१. Volkswagen Taigun

नोव्हेंबरमध्ये Taigun वर १.५ लाख रुपयांची सूट मिळत आहे. यात ११५ hp, १.० TSI चा इंजिन आहे. एन्ट्री लेव्हलच्या मॉडेल्सची किंमत मर्यादित कालावधीसाठी ६९,००० रुपयांपर्यंत स्वस्त झाली आहे. मात्र यावर कॅश डिस्काउंट मिळत नाही. याशिवाय १५०hp, १.५ TSI इंजिन असलेल्या काही Taigun प्रकारांवर कंपनी विशेष किंमतीची ऑफर देत आहे, जी एक्सचेंज आणि इतर फायद्यांसह १.३७ लाख रुपयांपर्यंत पोहोचते. कंपनी MY२०२३ मॉडेलवर ५०,००० रुपयांपर्यंत आणि दोन एअरबॅग असलेल्या जुन्या प्रकारांसाठी अतिरिक्त ४०,००० रुपयांची सूट देत आहे. MY२०२३ Taigun GT १.५ TSI क्रोम आणि GT १.५ TSI DSG वर २.८ लाख रुपयांपर्यंतची कमाल सूट आहे.

२. Volkswagen Virtus

दोन एअरबॅग असलेल्या MY२०२३ टॉप लाइन प्रकारांवर १.९ लाख रुपयांपर्यंतची सूट मिळत आहे. एन्ट्री-लेव्हल कम्फर्टलाइन आणि हायलाइन प्रकारांच्या किमतीत ७६,००० रुपयांपर्यंतची सूट मिळत आहे. २०२३ हायलाइन ट्रिमवर सर्वाधिक २ लाख रुपयांपर्यंतची सूट मिळवू शकता. १५०hp पॉवर, १.५-लिटर इंजिन असलेल्या Virtus च्या काही प्रकारांवर ५०,००० रुपयांपर्यंतचा एक्सचेंज आणि लॉयल्टी फायदा ग्राहकांना मिळत आहे. MY २०२३ मॉडेलवर ५०,००० रुपयांची कॅश सूट कंपनी देत आहे, तर दोन एअरबॅग असलेल्या मॉडेलवर ४०,००० रुपयांची अतिरिक्त सूट मिळत आहे.

३. Volkswagen Tiguan

या फ्लॅगशिप कारवर सरळ १ लाख रुपयांपर्यंतची कॅश सूट मिळवू शकता. MY२०२३ मॉडेलवर ७५,००० रुपयांची सूट मिळवू शकता. Tiguan वर लॉयल्टी बोनस कंपनी देत नाही, पण खरेदीदारांना ७५,००० रुपयांचा एक्सचेंज बोनस किंवा २०,००० रुपयांपर्यंतचा स्क्रॅपेज बोनस मिळत आहे. याच महिन्यात जर VW Tiguan वर कमाल सूट आणि फायदे मिळवले तर २.४ लाख रुपयांपर्यंतची बचत करू शकता.