Two Wheeler Market: TVS मोटर कंपनीने फेब्रुवारी 2026 मध्ये देशांतर्गत विक्रीत 32.4% ची जबरदस्त वाढ नोंदवली आहे. TVS ज्युपिटर, अपाचे आणि आयक्यूब (iQube) सारख्या मॉडेल्सनी या वाढीत महत्त्वाची भूमिका बजावली आहे.
भारतातील आघाडीची दुचाकी उत्पादक कंपनी TVS मोटरने फेब्रुवारी 2026 मध्ये विक्रीत शानदार वाढ नोंदवली आहे. गेल्या वर्षीच्या याच कालावधीच्या तुलनेत, कंपनीच्या देशांतर्गत विक्रीत 32.4% वाढ होऊन ती 3.65 लाख युनिट्सवर पोहोचली आहे. फेब्रुवारी 2025 मध्ये कंपनीने 2.76 लाख वाहने विकली होती, त्यामुळे यावर्षी विक्रीत मोठी सुधारणा दिसून येत आहे. तथापि, जानेवारी 2026 च्या तुलनेत विक्रीत थोडी घट झाली असून, मासिक विक्री 4.64% ने कमी झाली आहे.
25
टीव्हीएस ज्युपिटर स्कूटर
मॉडेलनुसार विक्री बघितल्यास, TVS ज्युपिटर स्कूटर कंपनीचं सर्वाधिक विकलं जाणारं मॉडेल ठरलं आहे. फेब्रुवारी 2026 मध्ये या स्कूटरचे 1.27 लाख युनिट्स विकले गेले, ज्यात 22.7% वाढ झाली आहे. त्याच वेळी, TVS अपाचे सिरीज 45,166 युनिट्सच्या विक्रीसह दुसऱ्या स्थानावर आहे. या मॉडेलने 19% वाढ नोंदवून प्रीमियम सेगमेंटमध्ये आपला दबदबा कायम ठेवला आहे.
35
टीव्हीएस आयक्यूब स्कूटर
इलेक्ट्रिक वाहन सेगमेंटमध्ये TVS iQube ने मोठं यश मिळवलं आहे. या मॉडेलने 61% पेक्षा जास्त वार्षिक वाढीसह 38,000 हून अधिक युनिट्सची विक्री केली आणि इलेक्ट्रिक वाहन क्षेत्रात आपलं स्थान निर्माण केलं. यासोबतच, TVS XL ने 45,095 युनिट्सच्या विक्रीसह 34.3% वाढ नोंदवली आहे. TVS रायडरला 36,134 युनिट्ससह चांगला प्रतिसाद मिळाला, तर TVS Ntorq ने 52% वाढीसह 31,955 युनिट्सची विक्री केली आहे.
याशिवाय, TVS Ronin ने 112% वाढीसह बाजारात आपलं स्थान मजबूत केलं आहे. प्रीमियम सेगमेंटमध्ये अपाचे RR 310 मॉडेलने 400% पेक्षा जास्त वाढ नोंदवून सर्वांचं लक्ष वेधून घेतलं आहे. दुसरीकडे, TVS स्टार सिटीच्या विक्रीत घट झाली आहे. TVS Radeon, Sport आणि Zest यांसारख्या इतर मॉडेल्सनी मात्र स्थिर विक्री कायम ठेवली आहे.
55
टीव्हीएस कंपनीची वाढ
एकंदरीत पाहिल्यास, TVS च्या वाढीमध्ये स्कूटर्सचा वाटा सर्वात मोठा आहे. एकूण विक्रीत 56% पेक्षा जास्त वाटा असलेल्या स्कूटर्सनी 33% वाढ नोंदवली आहे. मोटरसायकल सेगमेंटचा वाटा 31% असून त्यात 30% वाढ झाली आहे, तर मोपेड सेगमेंटचा वाटा 12% असून ग्रामीण भागात त्याची पकड मजबूत आहे. इलेक्ट्रिक वाहने आणि स्कूटरची वाढती मागणी TVS च्या यशाचे मुख्य कारण ठरत आहे.
