तुमचं हृदय निरोगी ठेवायचयं.. नाश्त्यात हे पदार्थ आवजून खा

तुमच हृदय निरोगी ठेवायचं असेल तर फायबरयुक्त ओट्सपासून ते ओमेगा-३ युक्त स्मूदीपर्यंत अनेक पदार्थ नाश्त्यामध्ये समाविष्ट करावे लागतील. हे पदार्थ हृदयाला पोषण देतात आणि दिवसभर सकारात्मक ऊर्जा टिकवून ठेवतात.

नाश्त्यामध्ये नेहमी पौष्टिक गुणधर्म असलेल्या  पदार्थांचा समावेश करा. कारण  पौष्टिक आणि हृदयासाठी आरोग्यदायी पदार्थ जर  सकाळच्या दिनक्रमात  असतील तर हृदय निरोगी राहते. दही आणि सुकामेवा रक्तदाब नियंत्रणात ठेवतात, तर भाज्यांसोबत अंड्याच्या पांढऱ्या भागाचे ऑम्लेट प्रथिने आणि जीवनसत्त्वे पुरवते. पालक आणि जवसाच्या बियांपासून बनवलेली ग्रीन स्मूदी पोटॅशियम, फायबर आणि ओमेगा-३ चा उत्तम स्रोत आहे. हे सर्व पदार्थ हृदयाला निरोगी ठेवून दिवसभर ऊर्जा टिकवून ठेवण्यास मदत करतात.

फायबरयुक्त ओट्सपासून ते ओमेगा-३ युक्त स्मूदीपर्यंत अनेक पदार्थ नाश्त्यामध्ये समाविष्ट करता येतात. हे पदार्थ हृदयाला पोषण देतात आणि दिवसभर सकारात्मक ऊर्जा टिकवून ठेवतात, असे दिल्लीतील इंद्रप्रस्थ अपोलो हॉस्पिटलमधील कार्डिओथोरॅसिक, हार्ट अँड लंग ट्रान्सप्लांट सर्जरीचे वरिष्ठ सल्लागार डॉ. मुकेश गोयल सांगतात. 

नाश्त्यामध्ये समाविष्ट करण्यासाठी महत्त्वाचे आरोग्यदायी पदार्थ

बेरी आणि ओट्स 

ओट्समध्ये बीटा-ग्लुकन नावाचे विरघळणारे फायबर असते, जे एलडीएल (खराब) कोलेस्ट्रॉलची पातळी कमी करण्यास मदत करते. ओट्स हृदयाच्या आरोग्यासाठी एक महत्त्वाचा पदार्थ आहे. ब्लूबेरी, स्ट्रॉबेरी यांसारखी फळे केवळ चवच वाढवत नाहीत, तर अँटीऑक्सिडंट्स आणि अतिरिक्त फायबर देखील देतात. यामुळे ऑक्सिडेटिव्ह स्ट्रेस आणि सूज कमी होण्यास मदत होते, जे हृदयरोग्याचे मुख्य घटक आहेत.

दही आणि नट्स

दह्यामध्ये विविध प्रकारचे नट्स घालून खाणे आरोग्यासाठी चांगले आहे. दही हे उच्च-गुणवत्तेच्या प्रथिनांचा उत्तम स्रोत आहे. हे स्नायूंचे आरोग्य आणि एकूणच आरोग्य राखण्यास मदत करते. बदाम, अक्रोड, पिस्ता यांसारखे नट्स दह्यात मिसळल्याने हृदयासाठी आरोग्यदायी अनसॅचुरेटेड फॅट्स, फायबर आणि मॅग्नेशियम, पोटॅशियमसारखे आवश्यक सूक्ष्म पोषक तत्वे मिळतात. निरोगी रक्तदाब पातळी राखण्यासाठी आणि हृदयरोग्याचा धोका कमी करण्यासाठी हे पोषक घटक महत्त्वाचे आहेत.

भाज्यांसोबत फक्त अंड्याच्या पांढऱ्या भागाचे ऑम्लेट

अंड्याचा पांढरा भाग आणि विविध भाज्या घालून बनवलेले ऑम्लेट सॅचुरेटेड फॅट्समध्ये कमी आणि प्रथिनांमध्ये जास्त असते. त्यामुळे ते हृदयासाठी आरोग्यदायी आहे. पालक, टोमॅटो, सिमला मिरची यांसारख्या विविध प्रकारच्या भाज्या घातल्याने आहारातील फायबर आणि पोषक तत्वांचे प्रमाण वाढते. तसेच जीवनसत्त्वे, खनिजे आणि अँटीऑक्सिडंट्स मिळतात, जे हृदयाच्या आरोग्यास मदत करतात आणि सूज कमी करतात.

ग्रीन स्मूदी

पालक आणि फ्लॅक्स सीड्स घालून बनवलेल्या स्मूदीमध्ये पोटॅशियम, फायबर आणि वनस्पती-आधारित ओमेगा-३ फॅटी ऍसिड भरपूर प्रमाणात असतात. निरोगी हृदय राखण्यासाठी, रक्तदाब नियंत्रणात ठेवण्यासाठी, कोलेस्ट्रॉल कमी करण्यासाठी आणि एकूणच हृदयाच्या आरोग्यासाठी हे पोषक घटक आवश्यक आहेत.