कापूस-सोयाबीन भाव कसे राहतील?, शेतकऱ्यांनो जाणून घ्या कृषी विभागाचा अंदाज

राज्यातील सोयाबीन, कापूस, मका आणि हरभऱ्याचे भाव हमीभावापेक्षा कमी आहेत. कृषी विभागाच्या अंदाजानुसार, ऑक्टोबर ते डिसेंबर २०२४ पर्यंत काही प्रमाणात भावात सुधारणा होण्याची शक्यता आहे.

राज्यातील शेतमालांच्या भावाने शेतकऱ्यांना अनेक चिंतांनी ग्रासले आहे. मागील वर्षापासून सोयाबीन, कापूस, मका आणि हरभऱ्याचे भाव हमीभावापेक्षा कमी झाल्याचे चित्र दिसत आहे. यामुळे शेतकऱ्यांना पुढील काही महिन्यांत भाव कसे राहणार याची चिंता आहे. कृषी विभागाने ऑक्टोबर ते डिसेंबर 2024 पर्यंतच्या संभाव्य किमतींचा अंदाज दिला आहे, ज्यामुळे शेतकऱ्यांना काही प्रमाणात मार्गदर्शन मिळेल.

संभाव्य शेतमालाच्या किमती

१. कापूस

मध्यम धाग्याच्या कापसासाठी: 2024-25 साठी सरकारने ५०१ रुपयांची वाढ करून ७१२१ रुपये प्रति क्विंटलचा हमीभाव जाहीर केला आहे.

लांब धाग्याच्या कापसासाठी: ७५२१ रुपये प्रति क्विंटलचा हमीभाव जाहीर करण्यात आला आहे.

अंदाज: ऑक्टोबर ते डिसेंबर दरम्यान कापसाचा बाजारभाव ७००० ते ८००० रुपये प्रति क्विंटल असण्याची शक्यता आहे.

२. सोयाबीन

हमीभाव: ४८९२ रुपये प्रति क्विंटल.

अंदाज: मागील वर्षीच्या तुलनेत सोयाबीन उत्पादनात ८% वाढ होण्याची शक्यता आहे. ऑक्टोबर ते डिसेंबर दरम्यान सोयाबीनला ४३०० ते ५००० रुपये प्रति क्विंटल मिळण्याची अपेक्षा आहे.

३. मका

हमीभाव: २२२५ रुपये प्रति क्विंटल.

अंदाज: 2024-25 साठी मका उत्पादनात घट झाल्यामुळे, ऑक्टोबर ते डिसेंबर दरम्यान मका भाव २००० ते २५०० रुपये प्रति क्विंटल राहण्याची शक्यता आहे.

४. तूर

हमीभाव: ७५५० रुपये प्रति क्विंटल.

अंदाज: उत्पादनात एक टक्क्याची घट झाल्यामुळे, तुरीचा भाव दहा ते बारा हजार रुपये प्रति क्विंटल राहण्याची शक्यता आहे.

५. हरभरा

अंदाज: फॅक ग्रेड हरभऱ्याला ऑक्टोबर ते डिसेंबर दरम्यान ६००० ते ८००० रुपये प्रति क्विंटल मिळण्याची शक्यता आहे. भारतात हरभऱ्याच्या उत्पादनात चढउतार होत असतानाही, चालू वर्षी उत्पादन कमी झाले आहे.

या अंदाजानुसार, शेतमालांच्या भावांत काही प्रमाणात सुधारणा होण्याची शक्यता आहे, परंतु बाजारातील अस्थिरतेमुळे भावात लवचिकता असू शकते. शेतकऱ्यांनी त्यांच्या उत्पादनाची योग्य वेळ आणि बाजारभावाचा विचार करूनच पुढील निर्णय घेणे उचित ठरेल.

आणखी वाचा :