Techno Gadget: केबलशिवाय एकाच वेळी चार्ज करा 4 डिव्हाइस, किंमतही परवडणारी...

Techno Gadget: जस्ट कोर्सेका कंपनीने भारतात आपली नवीन स्पार्कव्होल्ट (Sparkvolt) पॉवर बँक सीरिज लाँच केली आहे. यात बिल्ट-इन केबल्ससारख्या फीचर्ससह एकाच वेळी चार नवीन मॉडेल्स सादर केले आहेत, ज्यामुळे अनेक डिव्हाइस चार्ज करणं सोपं होणार आहे.

जस्ट कोर्सेका पॉवर बँक

जस्ट कोर्सेका कंपनीने भारतात आपली नवीन स्पार्कव्होल्ट पॉवर बँक सीरिज आणली आहे. या नवीन सीरिजमध्ये एकाच वेळी चार मॉडेल्स लाँच केले आहेत. यात मॅगसेफ वायरलेस चार्जिंग आणि फास्ट चार्जिंगसारखे फीचर्स आहेत. JST524 मॉडेलची किंमत 2,999 रुपये, JST530 ची 1,699 रुपये, JST532 ची 2,099 रुपये आणि JST534 ची किंमत 2,199 रुपये आहे.

केबलची गरज नाही

हे पॉवर बँक कंपनीच्या अधिकृत वेबसाइट, ॲमेझॉन, फ्लिपकार्ट आणि ऑफलाइन स्टोअर्सवर उपलब्ध आहेत. या स्पार्कव्होल्ट सीरिजचं मुख्य वैशिष्ट्य म्हणजे मल्टी-डिव्हाइस चार्जिंग. यात टाइप-सी आणि लाइटनिंग बिल्ट-इन केबल्स आहेत. सोबतच ॲपल वॉच चार्जिंगची सोयही दिली आहे. त्यामुळे आता वेगळी केबल सोबत ठेवण्याची गरज नाही.

फास्ट चार्जिंगची सुविधा

या सीरिजमधील JST524 हे सर्वात शक्तिशाली मॉडेल आहे. यात 20,000mAh बॅटरी आणि 45W फास्ट चार्जिंग सपोर्ट मिळतो. यामुळे स्मार्टफोन, टॅब्लेटसारखे डिव्हाइस वेगाने चार्ज करता येतात. इतर मॉडेल्समध्ये 10,000mAh बॅटरीसह 22.5W फास्ट चार्जिंगची सुविधा आहे.

प्रीमियम फॅब्रिक फिनिश

काही मॉडेल्समध्ये प्रीमियम फॅब्रिक फिनिश, अँटी-स्लिप डिझाइन, स्मार्ट डिजिटल डिस्प्ले, मॅग्नेटिक चार्जिंग, फोल्डेबल स्टँड आणि फोन होल्डर यांसारखे अतिरिक्त फीचर्सही दिले आहेत. त्यामुळे ही पॉवर बँक फक्त चार्जिंग डिव्हाइस न राहता स्टाईल आणि सोयीस्करपणाचा एक उत्तम पर्याय बनते