Tech News: घराच्या सुरक्षेसाठी, ऑफिसवर नजर ठेवण्यासाठी किंवा लहान मुलं, पाळीव प्राणी आणि वयस्कर व्यक्तींची काळजी घेण्यासाठी छोट्या छुपे कॅमेऱ्यांची मागणी वाढली आहे. EYETECH CE-16 / Sekuai 1080P चार्जर कॅमेरा हा असाच एक पर्याय आहे.
हा दिसायला सामान्य मोबाईल चार्जरसारखा आहे, पण यात एक फुल एचडी कॅमेरा लपलेला आहे. त्यामुळे कुणालाही सहज संशय येत नाही. हा कॅमेरा 1920x1080 पिक्सेल रिझोल्यूशनमध्ये 30 FPS दराने व्हिडिओ रेकॉर्ड करतो. याचा व्ह्यूइंग अँगल 70-डिग्री आहे, ज्यामुळे खोलीचा मोठा भाग कव्हर होतो. मात्र, चांगल्या व्हिडिओ क्वालिटीसाठी पुरेसा प्रकाश आवश्यक आहे. पूर्ण अंधारात हा कॅमेरा रेकॉर्डिंग करू शकत नाही.
25
दोन रेकॉर्डिंग मोड्स आणि किंमत
या डिव्हाइसमध्ये दोन प्रकारचे रेकॉर्डिंग मोड आहेत. पहिला 'कंटिन्युअस रेकॉर्डिंग', ज्यात मेमरी कार्ड भरेपर्यंत रेकॉर्डिंग सुरू राहते आणि नंतर जुने व्हिडिओ डिलीट होऊन नवीन सेव्ह होतात. दुसरा 'मोशन डिटेक्शन', ज्यात कॅमेऱ्यासमोर हालचाल झाल्यावरच रेकॉर्डिंग होते. यामुळे मेमरी स्पेस वाचते. या प्रोडक्टची मूळ किंमत ₹3599 आहे, पण 59% डिस्काउंटनंतर तुम्ही ते फक्त ₹1465 मध्ये खरेदी करू शकता.
35
वापरायला एकदम सोपा
हा कॅमेरा वापरण्यासाठी तुम्हाला फक्त FAT32 फॉरमॅटमधील 8GB ते 128GB क्षमतेचं मायक्रो SD कार्ड टाकावं लागेल. त्यानंतर डिव्हाइसला पॉवर प्लगमध्ये लावताच रेकॉर्डिंग आपोआप सुरू होते. पॉवर बंद केल्यावर रेकॉर्डिंग थांबते. रेकॉर्ड केलेले व्हिडिओ तुम्ही USB केबलने कॉम्प्युटरला किंवा OTG अडॅप्टरने मोबाईलला जोडून पाहू शकता. विशेष म्हणजे, हे डिव्हाइस मोबाईल चार्ज करण्यासाठीही वापरता येतं.
हा कॅमेरा तुम्ही घर, ऑफिस, गोदाम किंवा दुकानांसारख्या ठिकाणी वापरू शकता. कर्मचाऱ्यांच्या कामावर नजर ठेवण्यासाठी, दुकानातील चोरी रोखण्यासाठी किंवा घरातील लहान मुलं, वृद्ध व्यक्ती आणि पाळीव प्राण्यांवर लक्ष ठेवण्यासाठी याचा उपयोग होतो. मात्र, एक गोष्ट लक्षात ठेवा. कोणत्याही व्यक्तीच्या खासगी आयुष्यात डोकावण्यासाठी किंवा बेकायदेशीरपणे रेकॉर्डिंग करण्यासाठी याचा वापर केल्यास कायदेशीर कारवाई होऊ शकते. त्यामुळे स्थानिक कायद्यांचे पालन करणे महत्त्वाचे आहे.
55
तारीख आणि वेळ कशी सेट कराल?
रेकॉर्डिंगवर अचूक तारीख आणि वेळ दिसण्यासाठी, कॅमेरा USB केबलने कॉम्प्युटरला कनेक्ट करा. मेमरी कार्डमध्ये 'TIMEREST' नावाची एक फाईल दिसेल. ती नोटपॅडमध्ये उघडा आणि सध्याची तारीख-वेळ YYYYMMDDHHMMSS या फॉरमॅटमध्ये टाईप करा. फाईल सेव्ह करून डिव्हाइस पुन्हा सुरू करा. आता तुमच्या व्हिडिओमध्ये योग्य वेळ आणि तारीख दिसेल.
