Snake Survival: साप अनेक महिने काहीही न खाता कसा जगतो? थक्क करणारी माहिती!

Snake Survival: सापाचं नाव ऐकलं तरी अनेकांना भीती वाटते... पण या जिवाविषयी काही आश्चर्यकारक गोष्टी तुम्हाला माहीत आहेत का? साप उपाशी राहून किती दिवस जगू शकतो हे कळल्यावर तुम्हाला नक्कीच धक्का बसेल.

जगभरात सापांच्या 3000 पेक्षा जास्त प्रजाती

जगभरात सापांच्या 3000 पेक्षा जास्त प्रजाती आहेत. प्रत्येक सापाची स्वतःची जीवनशैली आणि खाण्याची पद्धत असते. भारतात कोब्रा (नाग), क्रेट (मण्यार), व्हायपर यांसारखे विषारी साप जास्त प्रमाणात आढळतात.

अन्नाशिवाय किती दिवस जगतो साप?

बहुतेक साप 10 ते 12 दिवस अन्नाशिवाय जगू शकतात. पण आश्चर्यकारक गोष्ट म्हणजे, सापांच्या काही प्रजाती महिनोनमहिने काहीही न खाता जिवंत राहू शकतात!

हे शक्य कसं होतं?

सापांच्या शरीरातील मेटाबॉलिझम (चयापचय क्रिया) खूप हळू चालते. याचा अर्थ ते खूप कमी ऊर्जा वापरतात. त्यामुळेच, कमी अन्नातही ते जास्त काळ जगू शकतात.

सापांचं आयुष्य किती असतं?

नागराज (Cobra) सुमारे 25-30 वर्षे जगू शकतो. तर मण्यार (Krait) सापाचं आयुष्य 10-15 वर्षे असतं. सापांचं वय जसजसं वाढतं, तसतशी त्यांची जगण्याची क्षमताही वाढते.

महिनोनमहिने उपवास!

साप अन्नापेक्षा परिसरातील आर्द्रता (humidity) आणि लपण्याच्या जागेवर जास्त अवलंबून असतात. जर या गोष्टी अनुकूल असतील, तर ते महिनोनमहिने काहीही न खाता जगू शकतात. अजगर (Python) हे याचं उत्तम उदाहरण आहे.