Tulsi Plant Hacks: तुळशीचं रोप वाढत नाहीये? या २ सोप्या टिप्सने ते होईल हिरवंगार आणि घनदाट

Tulsi Plant Hacks तुमच्या घरचं तुळशीचं रोप सुकतंय किंवा त्याची वाढ खुंटली आहे का? तुळशीच्या रोपाला पुन्हा हिरवंगार आणि घनदाट करण्यासाठी काय उपाय आहेत? जाणून घ्या.

Tulsi Plant Hacks For Fast Growth: जवळपास प्रत्येकाच्या घरी तुळशीचं रोप असतंच. आपण सगळेच त्याची खूप काळजी घेतो. पण, अनेकदा असं होतं की खूप काळजी घेऊन, खत-पाणी घालूनही तुळशीचं रोप पाहिजे तसं घनदाट होत नाही. कधीकधी तर ते सुकायला लागतं. मग अशावेळी तुळशीचं रोप घनदाट आणि मोठं कसं करायचं? यासाठी काही सोप्या आणि स्मार्ट टिप्स आहेत, ज्या आम्ही तुम्हाला सांगणार आहोत.

तुळशीचं रोप घनदाट कसं होईल?

तुळशीचं रोप आपल्या घराच्या अंगणाची शोभा वाढवतं. आपण त्याची खास काळजी घेतो, पण तरीही कधीकधी ते सुकतं किंवा त्याची वाढ थांबते. तुमच्या तुळशीच्या रोपाचंही असंच काही होत असेल, तर काळजी करू नका. आम्ही तुम्हाला एक असा सोपा आणि स्मार्ट उपाय सांगणार आहोत, ज्यामुळे तुमच्या अंगणातील तुळशीचं रोप दुप्पट वेगाने वाढेल आणि वर्षानुवर्षे हिरवंगार राहील. यासाठी तुम्हाला बाजारातून कोणतंही महागडं खत विकत आणण्याची गरज नाही. तुमच्या किचनमध्ये असलेलं दहीच हे काम करेल. फक्त दह्याचं पातळ मिश्रण तयार करून तुळशीच्या रोपात टाका आणि मग बघा कमाल.

तुळशीचं रोप घनदाट करण्यासाठी काय करावं?

तुळशीच्या रोपाची वाढ थांबण्याचं सर्वात मोठं कारण म्हणजे त्याला येणारी मंजिरी. जेव्हा रोपाला मंजिरी यायला लागते, तेव्हा रोपाची सगळी ऊर्जा ही बीजं तयार करण्यात खर्च होते. त्यामुळे नवीन पानं फुटणं थांबतं आणि रोपाची वाढ खुंटते. रोप घनदाट करण्यासाठी, सर्वात आधी तुळशीच्या सगळ्या मंजिऱ्या काढून टाका. या मंजिऱ्या फेकून न देता त्याच कुंडीतील मातीत टाका. याचा फायदा असा होईल की, त्यातून तुळशीची नवीन रोपं उगवतील. आता एका ग्लास पाण्यात एक चमचा आंबट दही टाका. तुम्ही ताकाचा वापरही करू शकता. हे दही पाण्यात चांगलं मिसळा आणि तुळशीच्या रोपाला घाला. दह्यामध्ये असलेलं लॅक्टिक ॲसिड आणि चांगले बॅक्टेरिया मातीला सुपीक बनवतात, ज्यामुळे तुमचं तुळशीचं रोप पुन्हा घनदाट होईल. हा उपाय महिन्यातून एकदा नक्की करा.