मुलांमध्ये आत्मविश्वास कमी होण्यास पालकच जबाबदार असतात. मुलांना कसे वाढवावे हे गुपित कळल्यास त्यांचे संगोपन सोपे होते आणि मुलांचे भविष्यही उज्ज्वल होते. अगदी सोप्या टिप्स फॉलो करा आणि मुलांमध्ये होणारे बदल अनुभवा.
आत्मविश्वास हा माणसाचा नैसर्गिक गुण नाही. तो प्रत्येकाला स्वतःमध्ये विकसित करावा लागतो. सोशल मीडियावर रातोरात प्रसिद्ध झाल्यासारखा आत्मविश्वास एका रात्रीत तयार होत नाही. यासाठी वेळ आणि संयम लागतो. पालकांनी आपल्या मुलांमध्ये रोजच्या कामातून आत्मविश्वास वाढवला पाहिजे. आत्मविश्वास हे एक मजबूत सुरक्षा कवच आहे. आत्मविश्वास असलेलं मूल कोणत्याही परिस्थितीला सामोरं जाऊ शकतं.
27
बिनशर्त प्रेम -
पालकांनी बिनशर्त प्रेम दाखवल्यास मुलांमध्ये आत्मविश्वास आपोआप वाढतो. त्यांच्या यशाची पर्वा न करता तुम्ही त्यांच्यावर प्रेम करता, हे मुलांना कळायला हवं. पालक आपल्यावर प्रेम करतात, आपल्या यशावर नाही, हे कळल्यावर ते धोका पत्करण्याचा, चुका करण्याचा आणि न घाबरता पुढे जाण्याचा प्रयत्न करतात. पालकांच्या प्रेमात मुले सुरक्षित असतात, तेव्हा त्यांचा आत्मविश्वास वाढतो.
37
प्रामाणिक खेळ -
आत्मविश्वासाचा सामाजिक स्वीकृतीशी खोल संबंध आहे. त्यामुळे मुलांना प्रामाणिकपणे खेळायला शिकवा. जे मुलं आपल्या बारीची वाट पाहत नाहीत, खेळात फसवतात, हरल्यावर भांडतात, त्यांना त्यांचे मित्र दूर ठेवतात. पालकांनी मुलांना संयम आणि खिलाडूवृत्ती शिकवली पाहिजे. यासाठी मुलांसोबत खेळा. जेव्हा मुले चांगला खेळ खेळतात, जुळवून घेतात आणि प्रामाणिक असतात, तेव्हा इतरजण त्यांच्यासोबत खेळतात. यामुळे मुलांचा आत्मविश्वास वाढतो.
मुलाने कोणतेही काम मेहनतीने केले असेल, तर त्याचे कौतुक करा. निकालापेक्षा त्याच्या प्रयत्नांना महत्त्व द्या. त्यांच्या कामाची प्रशंसा करा. त्यांनी किती मेहनत करून अभ्यास केला यावर भर द्या. इथे जिंकण्यापेक्षा सरावाच्या वेळी त्यांना किती समजले, सरावाला किती महत्त्व दिले, किती वेळ दिला हे महत्त्वाचे आहे. हे मुलाला सांगा. यामुळे आतून आत्मविश्वास वाढण्यास मदत होते.
57
त्यांची भूमिका बदला -
मुलांचा आत्मविश्वास वाढवण्याचा आणखी एक चांगला मार्ग म्हणजे त्यांची भूमिका बदलणे. त्यांना शिक्षक बनवा. तुम्हाला काहीतरी शिकवायला सांगा. त्यांचे ज्ञान वाढवण्यासाठी उत्सुकतापूर्ण प्रश्न विचारा. जेव्हा ते उत्तर देतील, तेव्हा त्याचा आदर करा. त्यांच्या शिकवण्याच्या क्षमतेवरचा विश्वास दृढ करा.
67
सकारात्मक सवय -
आयुष्याबद्दल सकारात्मक दृष्टिकोन चांगल्या भविष्याकडे घेऊन जातो. दररोज सकारात्मकतेचा सराव करणे खूप महत्त्वाचे आहे. आज त्यांनी केलेले सर्वोत्तम काम कोणते, इतरांनी केलेले काम कोणते, जगात काय चांगले घडत आहे, हे त्यांना विचारा. यामुळे त्यांचे मन स्वतःमध्ये, इतरांमध्ये आणि जगात चांगले पाहण्यासाठी प्रशिक्षित होते.
77
हे अंतिम नाही -
मुलांमध्ये आत्मविश्वास वाढवण्यासाठी हे काही जादुई सूत्र नाहीत. या सोप्या पायऱ्या आहेत. भविष्यात याची खूप मदत होईल. पालकांनी हे रोज पाळल्यास, मुलांमध्ये हळूहळू आत्मविश्वास वाढत असल्याचे तुमच्या लक्षात येईल.
