Lizard Repellent: महागडे स्प्रे कशाला? पालींना घरातून पळवून लावण्यासाठी हे ५ घरगुती उपाय करून बघा!

उन्हाळा सुरू होताच घरात पालींचा वावर वाढतो. थंडाव्याच्या शोधात त्या घरात शिरतात. तुम्हालाही पालींची भीती वाटत असेल आणि त्यांना घरात येण्यापासून रोखायचं असेल, तर काही सोपे घरगुती उपाय तुम्ही नक्कीच करून पाहू शकता.

घरात पाल दिसली की अनेकांची घाबरगुंडी उडते. विशेषतः उन्हाळ्यात आणि पावसाळ्यात पाली जास्त दिसतात. पण चांगली गोष्ट ही आहे की, काही सोपे घरगुती उपाय करून तुम्ही कोणत्याही घातक केमिकलशिवाय पालींना घरापासून दूर ठेवू शकता. चला तर मग जाणून घेऊया ५ असे देसी जुगाड, ज्यामुळे तुम्ही या जीवाला घरातून पळवून लावू शकता आणि पुन्हा येण्यापासून रोखू शकता.

कॉफी आणि तंबाखूने पालींना पळवा

कॉफी पावडर आणि तंबाखू एकत्र करून त्याच्या छोट्या-छोट्या गोळ्या बनवा. ज्या ठिकाणी पाली जास्त येतात, तिथे या गोळ्या ठेवा. याच्या उग्र वासामुळे पाली दूर पळतात. पण लक्षात ठेवा, या गोळ्या लहान मुलांपासून दूर ठेवा.

अंड्याचं टरफल आहे पालींचं दुश्मन

पालींना अंड्यांचा वास अजिबात आवडत नाही. घराच्या कोपऱ्यात, खिडकी किंवा दाराजवळ अंड्याची टरफलं ठेवल्यास त्या त्या जागेपासून दूर राहतात. तुम्ही अंड्याच्या टरफलांची पावडर करून पाण्यात मिसळून स्प्रे देखील बनवू शकता. हा स्प्रे फवारल्यानेही पाली पळून जातात.

लसूण आणि कांद्याचा स्प्रेही आहे प्रभावी

लसूण आणि कांद्याचा तीव्र वास पालींना दूर पळवण्यासाठी खूप प्रभावी आहे. त्यांना मिक्सरमध्ये वाटून पाण्यात मिसळा आणि स्प्रे बॉटलमध्ये भरून घराच्या कोपऱ्यांमध्ये फवारा. घराचे दरवाजे, खिडक्यांच्या आसपास नक्की फवारा, कारण पाली बहुतेक करून तिथूनच घरात येतात.

डांबर गोळ्या (Naphthalene Balls)

कपड्यांमध्ये ठेवण्याच्या डांबर गोळ्या कपाटात, किचनमध्ये किंवा सिंकजवळ ठेवा. याच्या वासाने पाली जवळ येत नाहीत. बाथरूममध्येही या गोळ्या टाकून ठेवा. डांबर गोळ्या लहान मुलं आणि पाळीव प्राण्यांपासून दूर ठेवा.

काळी मिरी स्प्रेने पाल आणि किडे-मकोडे दूर ठेवा

काळी मिरी पावडर पाण्यात मिसळून स्प्रे तयार करा. हा स्प्रे भिंतींवर आणि कोपऱ्यांमध्ये फवारल्यास पाली दूर राहतात. इतकंच नाही, तर यामुळे इतर लहान-सहान किडे-मकोडेही दूर राहतात. या उपायांसोबतच घर नेहमी स्वच्छ ठेवा. खिडक्यांना जाळ्या लावा. घरात लहान-मोठी छिद्रं असतील तर ती बंद करा. जर घरात पालींचा सुळसुळाट खूपच वाढला असेल, तर मात्र पेस्ट कंट्रोलवाल्यांना बोलावून त्यांची मदत घ्या.