Silent Heart Attack Symptoms : बदललेली जीवनशैली आणि चुकीच्या खाण्यापिण्याच्या सवयींमुळे हृदयविकाराचा धोका वाढतोय. सायलेंट हार्ट अटॅक किंवा सायलेंट मायोकार्डियल इन्फेक्शनमुळे होणाऱ्या मृत्यूंची संख्या वाढत असल्याचं रिपोर्ट्समधून समोर आलं आहे.
सायलेंट हार्ट अटॅक ; ही पाच लक्षणं अजिबात हलक्यात घेऊ नका
बदललेली जीवनशैली आणि चुकीच्या आहारामुळे हृदयविकाराचा धोका वाढतो. सायलेंट हार्ट अटॅक किंवा सायलेंट मायोकार्डियल इन्फेक्शनमुळे मृत्यूमुखी पडणाऱ्यांची संख्या वाढत आहे. रक्तप्रवाह थांबल्यामुळे हृदयाच्या स्नायूंना इजा होते, यालाच हार्ट अटॅक म्हणतात.
27
आनुवंशिकता, धूम्रपान, उच्च कोलेस्ट्रॉल आणि रक्तदाब, लठ्ठपणा
हृदयाची मुख्य धमनी (Coronary Artery) ब्लॉक झाल्यावर रक्तप्रवाह कमी होतो आणि हार्ट अटॅक येतो. यामुळे हृदयाच्या स्नायूंना ऑक्सिजन आणि पोषक तत्वं मिळत नाहीत. आनुवंशिकता, धूम्रपान, उच्च कोलेस्ट्रॉल, हाय ब्लड प्रेशर, मधुमेह, व्यायामाचा अभाव आणि लठ्ठपणा यांमुळे सायलेंट हार्ट अटॅकचा धोका वाढतो.
37
जबड्यात दुखणं हे पहिलं लक्षण असल्याचं म्हटलं जातं.
जबड्यात दुखणं हे अनेकदा तणाव, दातदुखी किंवा तापाचं लक्षण मानलं जातं. पण हे हार्ट अटॅकचंही एक लक्षण आहे, विशेषतः महिलांमध्ये. अमेरिकन हार्ट असोसिएशनच्या रिपोर्टनुसार, अनेक महिलांना हार्ट अटॅकपूर्वी जबड्यात वेदना जाणवतात. ही वेदना सहसा चेहऱ्याच्या डाव्या बाजूला होते.
अचानक आणि खूप जास्त थकवा जाणवणं हे हार्ट अटॅकचं एक महत्त्वाचं लक्षण आहे. अनेक महिलांना वाटतं की धावपळीचं आयुष्य, तणाव किंवा अपुऱ्या झोपेमुळे थकवा येतोय. पण, हार्वर्ड हेल्थच्या मते, अचानक आलेला असाधारण थकवा हार्ट अटॅकचं लक्षण असू शकतो.
57
श्वास घेण्याच्या पद्धतीत बदल होणं हे हृदयाच्या समस्येचं लक्षण असू शकतं.
जिने चढल्यावर धाप लागणं सामान्य आहे. पण आराम करत असतानाही तुम्हाला श्वास घ्यायला त्रास होत असेल, तर याकडे लक्ष देणं गरजेचं आहे. अनेक महिलांना वाटतं की चिंता किंवा तणावामुळे असं होतंय. पण श्वास घेण्याच्या पद्धतीत झालेला बदल हृदयाच्या समस्येचं लक्षण असू शकतो.
67
सतत घाम
सतत घाम येणं हे हार्ट अटॅकचं लक्षण असू शकतं. विशेषतः मळमळ किंवा चक्कर येण्यासोबत जर थंड घाम येत असेल, तर याचा अर्थ तुमच्या हृदयाचं आरोग्य धोक्यात आहे.
77
तुम्हाला सतत चक्कर येत असेल तर काळजी घ्या.
चक्कर येणं हे आणखी एक महत्त्वाचं लक्षण आहे. तुम्हाला सतत चक्कर येत असेल तर सावध राहा. हेसुद्धा हार्ट अटॅकचं एक लक्षण असू शकतं. कारण शरीरात रक्तप्रवाह कमी झाल्यामुळे असं होऊ शकतं.
