Scooter Market: भारतीय लष्कराला सलाम! Aprilia SR 175 चं 'ट्रिब्यूट एडिशन' लॉन्च!

Scooter Market: भारतीय सशस्त्र दलांच्या सन्मानार्थ एप्रिलियाने (Aprilia) आपली खास SR 175 ट्रिब्यूट एडिशन स्कूटर भारतात लॉन्च केली आहे. लष्कराच्या गणवेशापासून प्रेरित असलेल्या या स्कूटरची एक्स-शोरूम किंमत 1.21 लाख रुपये आहे.

कलर कसा आहे?

या स्कूटरचा कॅमो ग्रीन आणि केशरी-पिवळा रंग तिला एक खास ओळख देतो. हा रंग भारतीय लष्कराच्या गणवेशातून प्रेरित आहे. बाकी मॉडेलमध्ये आणि या ट्रिब्यूट एडिशनमध्ये फारसा फरक नाही.

विशेषता काय?

या स्कूटरमध्ये 174.4cc, सिंगल-सिलेंडर इंजिन आहे. हे इंजिन 7,200rpm वर 13.08bhp पॉवर आणि 6,000rpm वर 14.14Nm टॉर्क जनरेट करतं. CVT ऑटोमॅटिक गिअरबॉक्समुळे स्कूटर चालवायला सोपी असून तिचा टॉप स्पीड ताशी 95 किलोमीटर आहे.

कोणते फीचर्स आहेत?

या स्कूटरमध्ये LED हेडलाइट, टेल लाइट आणि ब्लूटूथ कनेक्टिव्हिटीसारखे फीचर्स आहेत. यात कलर TFT डिस्प्ले आणि सुरक्षिततेसाठी अँटी-लॉक ब्रेकिंग सिस्टीम (ABS) पण दिली आहे. स्कूटरची फ्रेम स्टीलची असून, पुढे टेलिस्कोपिक फोर्क आणि मागे मोनोशॉक सस्पेन्शन आहे.

गाडीची चाकं कशी आहेत?

या स्कूटरला 14-इंचाचे अलॉय व्हील्स आणि ट्युबलेस टायर दिले आहेत. यामुळे वेगात गाडी चालवताना आणि वळणांवर गाडी कंट्रोल करणं सोपं जातं. या स्कूटरचं बुकिंग आता बंद झालं असून, लवकरच ती ग्राहकांना मिळायला सुरुवात होईल.