केसगळती रोखण्यासाठी रोझमेरी आणि लवंग फायदेशीर...पण कशी वापरण्याची ?
सार
केसगळती रोखण्यसाठी लवंगामधील अँटीमायक्रोबियल, अँटी-इंफ्लेमेटरी आणि अँटीऑक्सिडंट गुणधर्म फायदेशीर ठरू शकतात. लवंग हे युजेनॉलसारख्या फिनोलिक संयुगांच्या सर्वात समृद्ध स्त्रोतांपैकी एक आहे, असे संशोधन सांगते.
जास्त केसगळती आणि कोंडा दूर करण्यासाठी रोझमेरी आणि लवंग हे उपयुक्त घटक आहेत. हे दोन्ही घटक टाळूतील रक्ताभिसरण वाढवण्यास मदत करतात, असे अभ्यासात म्हटले आहे.
लवंगामधील अँटीमायक्रोबियल गुणधर्म कोंडा आणि बुरशीजन्य संसर्ग रोखतात. तर, रोझमेरी केसगळतीस कारणीभूत DHT हार्मोनला रोखून केसांची मुळे मजबूत करते आणि केस तुटणे थांबवते. लवंगामधील अँटीमायक्रोबियल, अँटी-इंफ्लेमेटरी आणि अँटीऑक्सिडंट गुणधर्म केसांसाठी फायदेशीर ठरू शकतात. एशियन पॅसिफिक जर्नल ऑफ ट्रॉपिकल बायोमेडिसिनमध्ये प्रकाशित झालेल्या संशोधनानुसार, लवंग हे युजेनॉलसारख्या फिनोलिक संयुगांच्या सर्वात समृद्ध स्त्रोतांपैकी एक आहे.
हे संयुग टाळूतील रक्ताभिसरण सुधारण्यास मदत करते. यामुळे टाळूला चांगले पोषण मिळते. यामुळे केसांची मजबूत आणि निरोगी वाढ होते आणि केसगळती कमी होते. ते टाळू स्वच्छ करण्यास, कोंडा कमी करण्यास आणि बुरशीजन्य संसर्ग रोखण्यास मदत करतात. लवंगाच्या नियमित वापरामुळे केसांची मुळे मजबूत होण्यासही मदत होते.
रोझमेरीचा एक मुख्य फायदा म्हणजे केसगळतीशी संबंधित हार्मोन DHT (डायहायड्रोटेस्टोस्टेरॉन) रोखण्याची क्षमता. या वनस्पतीमध्ये अँटी-इंफ्लेमेटरी आणि अँटीमायक्रोबियल गुणधर्म आहेत. यामुळे कोंडा, टाळूवरील मुरुमे यांसारख्या समस्या कमी होतात. केसांवर रोझमेरी तेलाचा नियमित वापर केल्याने केसांची रचना सुधारते. यामुळे केस तुटणे थांबते. केसगळती कमी करण्यासाठी रोझमेरी आणि लवंग कसे वापरावे ते जाणून घेऊया.
एक टेबलस्पून सुकलेली रोझमेरीची पाने आणि लवंगा २ किंवा ३ कप पाण्यात उकळवा. १५ ते २० मिनिटे उकळू द्या. नंतर ते थंड होऊ द्या. त्यानंतर गाळून एका स्प्रे बाटलीत भरा. मग ते टाळूवर स्प्रे करा.