Recipe : हिवाळ्यात सामान्यपणे होणाऱ्या सर्दी आणि खोकल्यावर उपाय म्हणून घरच्या घरीच सहजपणे मिरीचं सार बनवू शकता. गरमागरम भातासोबत खायला चविष्ट लागणारं हे सार आरोग्यासाठीही उत्तम आहे. सर्दीपासून त्वरित आराम मिळतो. मिरीचं सार बनवण्याची ही सोपी पद्धत -
दिवसेंदिवस थंडी वाढत आहे. वातावरणातील बदलामुळे लहान-मोठे सर्वांनाच सर्दी-खोकला होणे सामान्य आहे. हा सर्दी-खोकला आपल्याला शांत बसू देत नाही. थकवा जाणवतो. काही खाण्याची इच्छा होत नाही. अशावेळी गरमागरम मिरीचं सार करून प्यायल्यास सर्दीपासून आराम मिळतो.
27
तोंडाला चव आणणारं सार
बाहेर थंड वातावरण असताना गरमागरम भातासोबत तिखट मिरीचं सार खाल्ल्यास खूप चविष्ट लागतं. चवीसोबतच सर्दीही कमी होते. चला तर मग, योग्य प्रमाणात मिरीचं सार कसं बनवायचं याची माहिती घेऊया.
37
मिरीचं सार बनवण्यासाठी लागणारे साहित्य
लागणारे साहित्य : टोमॅटो, चिंच, हिरवी मिरची, लसूण, जिरे, काळी मिरी, कढीपत्ता, कोथिंबीर, तेल, मोहरी, मेथी, सुकी मिरची, हिंग, मीठ आणि पाणी.
एका भांड्यात एक कप पाणी घेऊन त्यात लिंबाच्या आकाराची चिंच किमान एक तास भिजवून ठेवा. मिक्सरच्या भांड्यात हिरवी मिरची, लसूण, जिरे, काळी मिरी आणि कढीपत्ता घालून बारीक वाटून घ्या. नंतर त्याच मिक्सरच्या भांड्यात २ टोमॅटो घालून बारीक पेस्ट करून घ्या. त्यानंतर भिजवलेल्या चिंचेचा कोळ काढून बाजूला ठेवा.
57
लसूण, काळी मिरीचं मिश्रण
आता, गॅसवर पॅन गरम करून तेल घाला. मोहरी, मेथी, सुकी मिरची घालून परता. त्यात हळद, हिंगही घाला. नंतर, आधी वाटून ठेवलेलं लसूण, काळी मिरीचं मिश्रण घालून चांगलं परता. परतल्यावर छान सुगंध येतो. सुगंध आल्यानंतर... तुमच्या गरजेनुसार पाणी घाला. पाणी थोडे उकळल्यावर टोमॅटोची पेस्ट, चिंचेचा कोळ घालून आणखी थोडा वेळ उकळू द्या.
67
कमी आचेवर उकळू द्या
नंतर, आवश्यकतेनुसार मीठ, कढीपत्ता आणि कोथिंबीर घालून गॅस कमी आचेवर थोडा वेळ उकळू द्या. सार चांगलं उकळलं की गॅस बंद करा. झालं... सोपं आणि चविष्ट मिरीचं सार तयार आहे. गरमागरम भातासोबत खाल्ल्यास खूप छान लागतं.
77
बटाटा फ्राय
यासोबत कॉम्बिनेशन म्हणून बटाटा फ्राय केल्यास आणखी छान लागते. तुम्ही हवं असल्यास... टोमॅटो आधी पाण्यात उकडून... नंतर त्याची पेस्ट करून सारात घालू शकता.
