Poco M8 5G भारतात फोन लाँच; फास्ट चार्जिंग, तगडी बॅटरी, जाणून घ्या किंमत, फीचर्स

Poco M8 5G स्मार्टफोनमध्ये 50-मेगापिक्सलचा प्रायमरी कॅमेरा, 2MP चा लाईट फ्यूजन 400 सेकंडरी सेन्सर आणि सेल्फी व व्हिडिओ कॉलिंगसाठी 20-मेगापिक्सलचा कॅमेरा आहे.

दिल्ली: चीनी स्मार्टफोन निर्माता कंपनी Poco ने 5,520 mAh बॅटरी आणि 50-मेगापिक्सल कॅमेरा असलेला Poco M8 5G भारतात लाँच केला आहे. 6.77-इंचाचा 3D कर्व्ह्ड डिस्प्ले आणि स्नॅपड्रॅगन 6 सीरीज चिपसेट असलेल्या या फोनची भारतातील सुरुवातीची किंमत 21,999 रुपये आहे.

Poco M8 5G ची वैशिष्ट्ये

Poco M8 5G हा स्मार्टफोन Xiaomi च्या HyperOS 2.0 ऑपरेटिंग सिस्टमवर चालतो. Poco या फोनसाठी चार वर्षांचे OS अपडेट्स आणि सहा वर्षांचे सुरक्षा अपडेट्स देत आहे. 1,080x2,392 पिक्सेल रिझोल्यूशन, 120Hz रिफ्रेश रेट आणि 3,200 निट्स पीक ब्राइटनेससह येणारा हा फोन Qualcomm च्या Snapdragon 6 Gen 3 चिपसेटवर काम करतो. हा फोन 8GB पर्यंत रॅम आणि 256GB पर्यंत UFS 2.2 इंटर्नल स्टोरेजमध्ये उपलब्ध असेल. Poco M8 5G फोनला IP65 आणि IP66 रेटिंग मिळाली आहे. याच्या मागील बाजूस 50-मेगापिक्सलचा प्रायमरी कॅमेरा आणि 2MP चा लाईट फ्यूजन 400 सेन्सर आहे. सेल्फी आणि व्हिडिओ कॉलिंगसाठी 20-मेगापिक्सलचा सेन्सर देण्यात आला आहे. हा फोन 4K व्हिडिओ रेकॉर्ड करण्यास सक्षम आहे. सुरक्षेसाठी Poco M8 मध्ये फिंगरप्रिंट सेन्सरही देण्यात आला आहे.

Poco M8 5G ची किंमत

Poco M8 5G फोनमधील 5,520 mAh बॅटरी 45W वायर्ड फास्ट चार्जिंग आणि 18W वायर्ड रिव्हर्स चार्जिंगला सपोर्ट करते. कनेक्टिव्हिटीसाठी 5G, 4G, LTE, ब्लूटूथ 5.1, वाय-फाय 5 आणि यूएसबी टाइप-सी पोर्ट आहे. Poco M8 5G मोबाईल फोनच्या 6GB रॅम + 128GB स्टोरेज बेस व्हेरिएंटची किंमत 21,999 रुपये आहे. 8GB + 128GB व्हेरिएंटची किंमत 22,999 रुपये आणि 8GB + 256GB व्हेरिएंटची लाँच किंमत 24,999 रुपये आहे. 13 जानेवारीपासून हा फोन ई-कॉमर्स प्लॅटफॉर्म फ्लिपकार्टवर तीन रंगांमध्ये उपलब्ध होईल.