Oppo Reno 15 सीरीज उद्या लाँच होणार! 200MP कॅमेरा, भन्नाट फीचर्स, किंमत झाली लीक!

Oppo Reno 15 : ओप्पो रेनो 15 सीरीज उद्या भारतात लाँच होत आहे. अधिकृत लाँचपूर्वीच या फोन्सच्या किमतीचे तपशील ऑनलाइन लीक झाले आहेत. त्याचबाबत फीचर्स आणि किंमत आपण जाणून घेऊयात. 

Oppo कंपनी आपले नवीन 'Reno 15', 'Reno 15 Pro' आणि नवीन 'Reno 15 Pro Mini' स्मार्टफोन उद्या (8 जानेवारी) भारतात लाँच करणार आहे. Reno 14 सीरीज लाँच होऊन काही महिनेच झाले असताना, Oppo खूप लवकर पुढील अपडेट आणत आहे. अधिकृत लाँचपूर्वीच या फोन्सच्या किमतीचे तपशील ऑनलाइन लीक झाले आहेत.

काय आहे किंमत -

AnLeaks ने दिलेल्या माहितीनुसार, Oppo Reno 15 सीरीजची किंमत 45,999 रुपयांपासून सुरू होण्याची शक्यता आहे.

• Oppo Reno 15: 8GB + 256GB मॉडेल 45,999 रुपये, 12GB + 256GB मॉडेल 48,999 रुपये आणि 12GB + 512GB मॉडेल 53,999 रुपयांना विक्रीसाठी येऊ शकते.

• Oppo Reno 15 Pro Mini: याची किंमत 59,999 रुपये (12GB + 256GB) आणि 64,999 रुपये (12GB + 512GB) असू शकते.

• Oppo Reno 15 Pro: टॉप-एंड मॉडेलची किंमत 67,999 ते 72,999 रुपयांपर्यंत असू शकते.

डिस्प्ले आणि परफॉर्मन्स -

डिस्प्लेबद्दल बोलायचे झाल्यास, लहान आणि कॉम्पॅक्ट 'प्रो मिनी' मॉडेलमध्ये 6.3-इंचाचा OLED स्क्रीन असेल. तर, स्टँडर्ड आणि प्रो मॉडेल्स मोठ्या 6.9-इंचाच्या OLED स्क्रीनसह येतील. सर्व मॉडेल्समध्ये 120Hz रिफ्रेश रेटची सुविधा असेल. प्रो आणि प्रो मिनी मॉडेल्समध्ये MediaTek Dimensity 8450 चिपसेट आणि स्टँडर्ड मॉडेलमध्ये Qualcomm Snapdragon 7 Gen 4 चिपसेट असण्याची शक्यता आहे.

आश्चर्यकारक 200MP कॅमेरा -

फोटोग्राफीच्या शौकिनांना आकर्षित करण्यासाठी, या सीरीजच्या तिन्ही मॉडेल्समध्ये OIS सपोर्टसह एक जबरदस्त 200MP मुख्य कॅमेरा असेल असे म्हटले जात आहे. प्रो आणि प्रो मिनी मॉडेल्समध्ये अतिरिक्त 50MP टेलीफोटो लेन्स असेल. स्टँडर्ड मॉडेलमध्ये त्याऐवजी 8MP अल्ट्रा-वाइड लेन्स असू शकतो. सेल्फीसाठी तिन्ही मॉडेल्समध्ये 50MP कॅमेरा देण्यात आला आहे.

बॅटरी आणि सॉफ्टवेअर -

लहान मॉडेल 'प्रो मिनी' 6,200mAh बॅटरीसह येईल, तर इतर दोन मॉडेल्स 6,500mAh च्या मोठ्या बॅटरीसह येतील. या सर्वांमध्ये 80W फास्ट चार्जिंग सपोर्ट असेल. सॉफ्टवेअरबद्दल बोलायचे झाल्यास, हे फोन्स नवीनतम Android 16 वर आधारित ColorOS 16 वर चालतील.