PM Suraksha Bima Yojana: केंद्र सरकारने सर्वसामान्यांसाठी 'प्रधानमंत्री सुरक्षा विमा योजना' सुरू केली आहे. या योजनेत वर्षाला फक्त २० रुपये भरून तुम्हाला २ लाख रुपयांचा अपघात विमा मिळतो.
केंद्र सरकारने सर्वसामान्यांसाठी 'प्रधानमंत्री सुरक्षा विमा योजना' (PMSBY) आणली आहे. यात तुम्हाला वर्षाला फक्त २० रुपये प्रीमियम भरावा लागतो.
म्हणजे महिन्याला २ रुपयांपेक्षा कमी खर्चात तुम्हाला २ लाखांचे अपघात विमा संरक्षण मिळते. अपघातात मृत्यू ओढवल्यास कुटुंबाला किंवा नॉमिनीला २ लाख रुपये मिळतात. या विमा पॉलिसीसाठी कोणतीही मेडिकल टेस्ट करावी लागत नाही.
25
वयाची अट आणि इतर महत्त्वाचे नियम
१८ ते ७० वर्षे वयोगटातील कोणतीही व्यक्ती या योजनेचा लाभ घेऊ शकते. तुमचे बँक किंवा पोस्ट ऑफिसमध्ये खाते असणे आवश्यक आहे. एकापेक्षा जास्त बँकांमध्ये खाते असले तरी, तुम्ही फक्त एकाच खात्यावरून या योजनेत सहभागी होऊ शकता. जॉइंट अकाउंट असेल, तर दोन्ही खातेदार प्रत्येकी २० रुपये भरून या विम्याचा फायदा घेऊ शकतात.
35
प्रीमियम भरणे आणि विम्याचा कालावधी
तुम्हाला या योजनेसाठी वर्षातून एकदाच प्रीमियम भरावा लागतो. बँक तुमच्या खात्यातून 'ऑटो-डेबिट' सुविधेद्वारे २० रुपये थेट कापते. या विम्याचा कालावधी दरवर्षी १ जूनला सुरू होतो आणि ३१ मे पर्यंत चालतो.
तुम्ही वर्षाच्या मध्यभागीही प्रीमियम भरून यात सहभागी होऊ शकता. बँक ज्या दिवशी खात्यातून पैसे कापेल, त्या दिवसापासून विमा संरक्षण सुरू होते. भारतात बँक खाते असलेले अनिवासी भारतीय (NRI) देखील याचा लाभ घेऊ शकतात, पण विमा कंपनी क्लेमची रक्कम फक्त भारतीय रुपयातच देते.
ही योजना अचानक किंवा अनपेक्षितपणे घडणाऱ्या बाह्य अपघातांना कव्हर करते. भूकंप, पूर यांसारख्या नैसर्गिक आपत्तींमुळे मृत्यू किंवा अपंगत्व आल्यास विमा कंपनी क्लेम देते. हत्येच्या प्रकरणातही कुटुंबाला विम्याची रक्कम मिळते.
पण, आत्महत्येच्या प्रकरणात या योजनेचा कोणताही फायदा मिळत नाही. खातेदाराचे वय ७० वर्षे पूर्ण झाल्यास, बँक खाते बंद पडल्यास किंवा खात्यात पैसे नसल्यास हा विमा रद्द होतो.
55
क्लेमची प्रक्रिया आणि रुग्णालयाचा खर्च
ही अपघात विमा योजना रुग्णालयाचा वैद्यकीय खर्च देत नाही. अपघातात मृत्यू झाल्यास विम्याची रक्कम नॉमिनी किंवा कायदेशीर वारसाच्या बँक खात्यात जमा होते. अपंगत्व आल्यास ती रक्कम थेट पीडित व्यक्तीच्या खात्यात येते.
रस्ते, रेल्वे अपघात, पाण्यात बुडणे किंवा गुन्हेगारी घटनांमध्ये मृत्यू झाल्यास पोलिसांचा एफआयआर (FIR) अनिवार्य आहे. पण सर्पदंश किंवा झाडावरून पडल्यास तुम्ही रुग्णालयाच्या रेकॉर्डवर क्लेम मिळवू शकता. योजनेत सहभागी होण्यासाठी तुम्ही तुमच्या बँकेशी किंवा विमा कंपनीशी संपर्क साधू शकता.
