Parenting Tips: आलिया भट्टने नुकताच एक खुलासा केला आहे की ती तिची मुलगी राहाला स्वतः तयार करत नाही. तिचं काम काहीतरी वेगळंच आहे. चला तर मग जाणून घेऊया, ही अभिनेत्री तिच्या लाडक्या लेकीला, राहाला कपडे का तयार करत नाही ते.
आलिया भट्ट अनेक मुलाखतींमध्ये तिची मुलगी राहाबद्दलची जबाबदारी बोलून दाखवते. शूटिंगनंतर ती कशी घरी धाव घेते, जेणेकरून तिला राहाला मिठी मारता येईल. तिचं आणि रणबीर कपूरचं जग राहाभोवतीच फिरतं. पण नुकतंच तिने एक खुलासा केला की ती राहाला ड्रेसअप करत नाही. आपल्या समाजात मुलीला तयार करण्याची जबाबदारी आईचीच असते, त्यामुळे हे ऐकून अनेकांना आश्चर्य वाटलं.
25
आलिया- रणबीर
यामागे कोणतंही बंधन नाही, तर एक गोड कौटुंबिक समज आहे. आलियाने सांगितलं की, राहाला तयार करण्याची जबाबदारी रणबीरने स्वतःहून घेतली आहे. त्याला त्याच्या मुलीसाठी कपडे निवडायला खूप आवडतं. तो प्रत्येक आऊटफिट खास अंदाजात स्टाईल करतो आणि हा त्याच्यासाठी एक खास 'फादर-डॉटर मोमेंट' असतो.
35
पालकत्व
आलिया राहाची काळजी घेणं, तिला खाऊ घालणं आणि झोपवणं यासारख्या जबाबदाऱ्या सांभाळते. तर रणबीर तिला हसवण्याचं, तिच्यासोबत नवीन खेळ खेळण्याचं आणि मजेशीर चेहरे करून तिचं मनोरंजन करण्याचं काम करतो. अशाप्रकारे दोघांनीही त्यांच्या सोयीनुसार आणि आवडीनुसार पालकत्वाची भूमिका वाटून घेतली आहे.
त्यांच्या या गोष्टी दाखवतात की आजच्या काळात पॅरेंटिंग फक्त आईची जबाबदारी नाही, तर आई-वडील दोघांचीही समान भूमिका आहे. परस्पर विश्वास आणि समजुतदारपणामुळे घरातील वातावरण आनंदी आणि संतुलित राहतं. वर्क लाईफ कितीही धावपळीचं असलं तरी, मुलांची जबाबदारी दोघांनी मिळून उचलायला हवी, जेणेकरून मुलाला एक बॅलन्स वातावरण मिळेल.
55
आई-वडील दोघांचीही समान भूमिका
पालकत्व म्हणजे फक्त मुलांचं संगोपन करणं नाही, तर त्यांना प्रेम, सुरक्षा, संस्कार आणि आत्मविश्वास देण्याची एक सतत चालणारी प्रक्रिया आहे. यात आई-वडील दोघांचीही समान भूमिका असते. एकीकडे भावनिक आधार आणि काळजी गरजेची असते, तर दुसरीकडे शिस्त, मार्गदर्शन आणि सकारात्मक उदाहरणही तितकंच महत्त्वाचं आहे. आधुनिक काळात पालकत्वाचा अर्थ मुलांच्या भावना समजून घेणं, त्यांचं म्हणणं ऐकणं आणि त्यांना स्वतःची ओळख निर्माण करण्यासाठी प्रोत्साहन देणं हा आहे.
