एनपीएस वात्सल्य: मुलांसाठी गुंतवणूक योजना

तुमच्या मुलाचे १८ वर्षे पूर्ण झाल्यावर एनपीएस वात्सल्य खाते नियमित एनपीएस खात्यात बदलता येते. मुलाच्या १८ व्या वर्षापूर्वी वात्सल्य खात्यातून विशिष्ट रक्कम काढण्याची सुविधा उपलब्ध आहे.

मुलांचे भविष्य सुरक्षित करण्यासाठी केंद्र सरकारने एनपीएस वात्सल्य योजना सुरू केली आहे. या योजनेअंतर्गत पालक आपल्या मुलांच्या भविष्यासाठी गुंतवणूक करू शकतात. या योजनेत मुलांच्या नावावर खाते उघडता येते. राष्ट्रीय पेन्शन योजनेचा विस्तार म्हणून ही योजना आणली आहे.

राष्ट्रीय पेन्शन योजनेप्रमाणेच, वात्सल्य योजना देखील पेन्शन फंड नियामक आणि विकास प्राधिकरण (PFRDA) द्वारे व्यवस्थापित केली जाते. त्यामुळे या योजनेत गुंतवणूक केलेल्या पैशाच्या सुरक्षिततेची हमी आहे.

मुलाचे १८ वर्षे पूर्ण झाल्यावर, वात्सल्य खाते नियमित एनपीएस खात्यात बदलता येते. किंवा या योजनेतून बाहेर पडता येते. परंतु, वार्षिक योजना खरेदी करण्यासाठी, किमान ८०% मॅच्युरिटी रक्कम पुन्हा गुंतवावी लागेल. २०% रक्कमच एकरकमी काढता येईल.

एनपीएस वात्सल्य योजनेत, पालकांनी वर्षाला किमान १,००० रुपये गुंतवणूक करावी लागते. यात गुंतवणुकीसाठी कोणतीही उच्च मर्यादा नाही. या योजनेत कितीही गुंतवणूक करता येते. तुम्हाला एनपीएस वात्सल्य योजनेचा लाभ घ्यायचा असेल, तर तुम्ही भारतीय नागरिक असणे आवश्यक आहे आणि तुमचे मूल १८ वर्षाखालील असणे आवश्यक आहे.

एनपीएस वात्सल्य योजना योजनेत गुंतवणूक केल्याने भविष्यात पालकांचा आर्थिक भार कमी होण्यास मदत होईल. या योजनेची मॅच्युरिटी रक्कम त्यांच्या मुलाच्या उच्च शिक्षणासाठी किंवा व्यवसाय सुरू करण्यासाठी वापरता येईल.

तुमच्या मुलाचे १८ वर्षे पूर्ण होण्यापूर्वी एनपीएस वात्सल्य खात्यातून विशिष्ट रक्कम काढता येते. नोंदणी केल्यानंतर तीन वर्षांनी, एकूण ठेवीच्या २५% पर्यंत रक्कम काढता येते. अशा प्रकारे तीन वेळा पैसे काढण्याची सुविधा आहे. PFRDA च्या मार्गदर्शक तत्त्वांनुसार, ही रक्कम शिक्षण, वैद्यकीय उपचार इत्यादी गरजा असतील तेव्हाच काढता येते.

समजा, या योजनेत तुम्ही तुमच्या मुलासाठी जन्मानंतर दरमहा १,००० रुपये गुंतवत आहात. १८ वर्षांत वार्षिक परतावा सुमारे १२.८६% (एनपीएस योजनेतील सरासरी व्याजदर) असेल. एकूण गुंतवणूक रक्कम २,१६,००० रुपये. यावरील व्याज ६,३२,७१८ रुपये. त्यामुळे मुलाच्या १८ व्या वर्षी मिळणारी एकूण रक्कम सुमारे ८,४८,००० रुपये असेल.

एनपीएस वात्सल्य नियमानुसार, मॅच्युरिटी रकमेपैकी ८०%, म्हणजेच ६,७८,४०० रुपये, सक्तीने वार्षिक योजनेत पुन्हा गुंतवावे लागतील. २०%, म्हणजेच १,६९,६०० रुपये, एकरकमी काढता येतील.