No Loan No EMI: घर किंवा गाडी घ्यायची म्हणजे कर्ज काढायलाच हवं, असं अनेकांना वाटतं. पण कर्जाच्या ओझ्याशिवाय आणि EMI च्या त्रासाशिवायही मालमत्ता तयार करण्याचा एक स्मार्ट मार्ग आहे. योग्य नियोजनाने हे शक्य आहे.
यासाठी म्युच्युअल फंडमधील SIP गुंतवणूक खूप महत्त्वाची ठरते. दर महिन्याला ठराविक रक्कम गुंतवून तुम्ही दीर्घकाळात मोठा निधी उभारू शकता. हीच बचत तुम्हाला नंतर गाडी किंवा घर खरेदीसाठी उपयोगी पडते. याचा सर्वात मोठा फायदा म्हणजे कर्जाचं ओझं आणि वर्षानुवर्षे चालणाऱ्या EMI मधून तुमची सुटका होते.
24
एसआयपी गुंतवणूक
उदाहरणार्थ, समजा तुम्ही दरमहा 20,000 रुपयांची SIP गुंतवणूक केली आणि त्यावर सरासरी 12 टक्के परतावा मिळाला, तर 10 वर्षांत तुम्ही सुमारे 45 लाख रुपयांचा निधी जमा करू शकता. यामध्ये तुमची गुंतवणूक आणि त्यावर मिळालेला परतावा दोन्ही समाविष्ट आहे. ही रक्कम एक चांगली गाडी घेण्यासाठी पुरेशी असू शकते.
34
घर खरेदीचे ध्येय
ज्यांना घर खरेदी करायचं आहे, त्यांना आणखी दूरचा विचार करून नियोजन करावं लागेल. जर तुम्ही दरमहा 30,000 रुपयांची SIP 10 वर्षे चालू ठेवली, तर सुमारे 67 लाख रुपयांचा निधी तयार होऊ शकतो. हेच लक्ष्य 15 वर्षांपर्यंत वाढवल्यास ही रक्कम एक कोटींच्या पुढेही जाऊ शकते. मात्र, घरांच्या किमतीही वेळेनुसार वाढतात, त्यामुळे गुंतवणुकीचं ध्येय आणि रक्कम यात बदल करावा लागू शकतो.
एक गोष्ट लक्षात ठेवली पाहिजे की म्युच्युअल फंड गुंतवणूक शेअर बाजाराशी जोडलेली असते, त्यामुळे बाजारात चढ-उतार होणं स्वाभाविक आहे. म्हणून, नवीन गुंतवणूकदारांनी मल्टी-ॲसेट किंवा बॅलन्स्ड फंडात गुंतवणूक करणं अधिक सुरक्षित मानलं जातं. या SIP मार्गावरून एकच गोष्ट शिकायला मिळते - आर्थिक स्वप्नं घाईने नाही, तर शिस्तबद्ध नियोजनाने पूर्ण होतात.
