Nissan Gravite: निसानने मॅग्नाइटच्या यशानंतर आता भारतीय बाजारात आपली नवी Gravite MPV सादर केली आहे. या 7-सीटर गाडीची एक्स-शोरूम किंमत 5.65 लाख रुपयांपासून सुरू होते.
निसानने मॅग्नाइटच्या यशानंतर आता भारतीय बाजारात आपली नवी Gravite MPV सादर केली आहे. या 7-सीटर गाडीची एक्स-शोरूम किंमत 5.65 लाख रुपयांपासून सुरू होते.
27
एकूण पाच व्हेरिएंट्स
ही कार Visia, Acenta, N-Connecta, Tekna आणि Limited Launch Edition अशा पाच व्हेरिएंटमध्ये उपलब्ध आहे. यातील लाँच एडिशन व्हेरिएंट फक्त पहिल्या 1,001 ग्राहकांसाठीच असेल. या गाडीत बेस मॉडेलपासूनच अनेक आवश्यक फीचर्स मिळतात.
37
व्हिसिया एमटी
Visia MT हे ग्रॅव्हाइटचं बेस व्हेरिएंट आहे, जे फक्त मॅन्युअल गिअरबॉक्ससोबत येतं. बेस मॉडेल असूनही, यात प्रोजेक्टर हेडलॅम्प, फोल्ड, स्लाईड आणि रिक्लाइन होणाऱ्या मागच्या सीट्ससारखे चांगले फीचर्स आहेत. गरज पडल्यास, तिसऱ्या रांगेतील सीट्स काढून लगेज स्पेस वाढवता येते. केबिनमध्ये पूर्णपणे ब्लॅक सीट कव्हर्स आणि डिजिटल इन्स्ट्रुमेंट क्लस्टर आहे. गाडीत चारही पॉवर विंडोज दिल्या आहेत, तर सुरक्षेसाठी सहा एअरबॅग्ज, ESP आणि स्टॅबिलिटी कंट्रोल सिस्टीम मिळते.
Acenta MT मध्ये सुद्धा मॅन्युअल गिअरबॉक्स आहे, पण यात Visia पेक्षा काही जास्त फीचर्स मिळतात. वायरलेस फोन मिररिंगसह 8.0-इंचाची टचस्क्रीन इन्फोटेनमेंट सिस्टीम हे याचं मुख्य आकर्षण आहे. सोबतच, स्टिअरिंगवर ऑडिओ कंट्रोल्स आणि दुसऱ्या-तिसऱ्या रांगेसाठी रिअर एसी व्हेंट्सही दिले आहेत.
57
एन-कनेक्टा व्हेरिएंट
N-Connecta व्हेरिएंटमध्ये अधिक प्रीमियम फीचर्स मिळतात. हे पहिलं व्हेरिएंट आहे ज्यात मॅन्युअल (MT) आणि ऑटोमेटेड मॅन्युअल (AMT) दोन्ही गिअरबॉक्सचे पर्याय आहेत. बाहेरून यात क्रिस्टल-एज LED टेललॅम्प, 50 किलोपर्यंत वजन पेलणारे रूफ रेल्स आणि डिफॉगरसह रिअर वायपर मिळतो. आतमध्ये ड्युअल-टोन बेज आणि ब्लॅक इंटीरियर, कूल्ड ग्लोव्हबॉक्स, सेंटर कन्सोल आणि रिव्हर्स कॅमेरा आहे. हे व्हेरिएंट उपयुक्तता आणि फीचर्सचं चांगलं मिश्रण आहे.
67
टेक्ना व्हेरिएंट
Tekna हे या गाडीचं टॉप-ऑफ-द-लाइन व्हेरिएंट आहे. यात N-Connecta पेक्षाही जास्त प्रीमियम फीचर्स मिळतात. यामध्ये 7.0-इंचाचा डिजिटल इन्स्ट्रुमेंट क्लस्टर, LED हेडलाइट्स आणि 15-इंचाचे ड्युअल-टोन फ्लेक्स व्हील्स आहेत. पुश-बटण स्टार्ट, फ्रंट पार्किंग सेन्सर्स आणि वायरलेस चार्जरसारख्या सुविधांमुळे हे मॉडेल अधिक आधुनिक आणि आरामदायी बनतं.
77
स्पेशल एडिशन
ग्रॅव्हाइटच्या लाँचिंगनिमित्त निसानने Tekna ट्रिमवर आधारित एक स्पेशल लाँच एडिशनही आणलं आहे. हे मॉडेल मर्यादित संख्येत उपलब्ध असेल. यात JBL साउंड सिस्टीम, ड्युअल डॅशकॅम, एअर प्युरिफायर, अॅम्बियंट लायटिंग, पहिल्या रांगेसाठी नेक कुशन आणि दुसऱ्या रांगेसाठी लंबर कुशन यांसारखे अतिरिक्त लक्झरी फीचर्स मिळतात. शिवाय, स्पेशल बॉडी ग्राफिक्समुळे हे सर्वात जास्त फीचर्स असलेलं आणि स्टायलिश व्हर्जन ठरतं.
