Maruti Baleno: फक्त 6.10 लाखात आली नवीन बलेनो! डिझाइन एकदम कडक, फीचर्स जबरदस्त

मारुती सुझुकीने आपली नवीन बलेनो फेसलिफ्ट कार भारतात लाँच केली आहे. या गाडीची सुरुवातीची किंमत फक्त 6.10 लाख रुपये आहे. आकर्षक डिझाइन, ADAS टेक्नॉलॉजी आणि अनेक दमदार फीचर्ससह ही हॅचबॅक कार बाजारात आली आहे.

मारुती सुझुकीने आपली लोकप्रिय हॅचबॅक कार बलेनोचं नवीन फेसलिफ्ट मॉडेल बाजारात आणलं आहे. ADAS टेक्नॉलॉजी, जबरदस्त डिझाइन आणि 1.2 लीटर इंजिन अशा अनेक खास गोष्टींसह ही कार लाँच झाली आहे. सर्वात महत्त्वाची गोष्ट म्हणजे या गाडीची सुरुवातीची एक्स-शोरूम किंमत फक्त 6.10 लाख रुपये आहे. त्यामुळे ग्राहकांना ही प्रीमियम हॅचबॅक कार खूपच कमी बजेटमध्ये उपलब्ध झाली आहे.

फक्त 6.10 लाखात मारुती बलेनो लाँच

नवीन बलेनो फेसलिफ्टमध्ये काही मोठे बदल करण्यात आले आहेत. गाडीची पुढची ग्रील पूर्णपणे बदलली आहे, ज्यामुळे पहिल्या नजरेतच ही गाडी एका नवीन डिझाइनची असल्याचं वाटतं. यात नवीन हेडलॅम्प्स आणि सिंगल-पेन सनरूफसारखे फीचर्स देण्यात आले आहेत. याशिवाय, 10.1-इंचाची टचस्क्रीन इन्फोटेनमेंट सिस्टीम आणि वायरलेस फोन चार्जर यांसारख्या आधुनिक टेक्नॉलॉजीचाही यात समावेश आहे.

ADAS टेक्नॉलॉजी

या कारमध्ये ADAS (Advanced Driver Assistance System) हे खास सेफ्टी तंत्रज्ञान देण्यात आलं आहे. सध्या यात लेव्हल 1 ADAS सुविधा आहे. यामुळे, ब्लाइंड स्पॉट वॉर्निंग, रिअर क्रॉस ट्रॅफिक अलर्ट आणि सेफ ड्राइव्ह अलर्टसारखे अनेक सेफ्टी फीचर्स मिळतात. मारुती सुझुकी आता भारतात गाड्यांच्या सुरक्षेला जास्त महत्त्व देत आहे. याचंच उदाहरण म्हणजे डिझायर आणि ब्रेझा फेसलिफ्टसारख्या गाड्यांची सेफ्टी क्वालिटी आधीच सुधारण्यात आली आहे. आता नवीन बलेनो फेसलिफ्टमध्ये 6 एअरबॅग्ज, ABS, EBD, ESC आणि हिल होल्ड असिस्टसारखे अनेक सेफ्टी फीचर्सही देण्यात आले आहेत.

इंजिन कसं आहे?

नवीन बलेनो फेसलिफ्टच्या इंजिनमध्ये फार मोठे बदल करण्यात आलेले नाहीत. सध्या बाजारात असलेल्या बलेनोमधील 1.2-लीटर पेट्रोल इंजिनच यात वापरण्यात आलं आहे. हे इंजिन 90 hp पॉवर आणि 113 Nm टॉर्क जनरेट करतं. यात 5-स्पीड मॅन्युअल आणि AMT गिअरबॉक्सचे पर्याय मिळतात. CNG व्हेरिएंटसुद्धा उपलब्ध आहे, पण तो फक्त 5-स्पीड मॅन्युअल गिअरबॉक्ससोबतच येतो.

मायलेज आणि 360-डिग्री कॅमेरा

या गाडीचं 1.2-लीटर पेट्रोल इंजिन सुमारे 22.35 किमी/लीटर ते 22.94 किमी/लीटरपर्यंत मायलेज देतं. तर CNG व्हेरिएंट सुमारे 30.61 किमी/किलोपर्यंत मायलेज देतो. गाडी सहज पार्क करता यावी यासाठी 360-डिग्री कॅमेरा आणि ड्रायव्हरचं लक्ष रस्त्यावरून न हटवता वेग व इतर माहिती पाहण्यासाठी 'हेड्स-अप डिस्प्ले'ची सोयही यात आहे.

याशिवाय, स्मार्टफोन आणि स्मार्टवॉचच्या मदतीने गाडीचं लोकेशन शोधणं, दरवाजे लॉक/अनलॉक करणं आणि एसी रिमोटने चालू-बंद करण्याची सुविधाही यात देण्यात आली आहे.