Skoda Kushaq Facelift : नव्या अवतारात आली मध्यमवर्गीयांची स्कोडा कुशाक, दमदार फीचर्स आणि नवीन गिअरबॉक्स!
सार
New 2026 Skoda Kushaq Facelift : स्कोडाने आपली 2026 कुशाक फेसलिफ्ट भारतात लॉन्च केली आहे. या मध्यमवर्गीयांच्या गाडीची एक्स-शोरूम किंमत 10.69 लाख रुपयांपासून सुरू होते.
New 2026 Skoda Kushaq Facelift : स्कोडाने आपली बहुप्रतिक्षित 2026 कुशाक फेसलिफ्ट अखेर भारतात लॉन्च केली आहे. या मध्यमवर्गीयांच्या गाडीची एक्स-शोरूम किंमत 10.69 लाख रुपयांपासून सुरू होऊन 18.99 लाख रुपयांपर्यंत जाते. 1.0-लिटर TSI मॅन्युअल व्हेरिएंटची किंमत 10.69 लाख ते 16.79 लाख रुपयांच्या दरम्यान आहे. तर, 1.0-लिटर TSI ऑटोमॅटिक ट्रिम्सची किंमत 12.69 लाख ते 17.89 लाख रुपये आहे. सर्वात पॉवरफुल असलेलं 1.5-लिटर TSI DSG इंजिन-गिअरबॉक्स कॉम्बिनेशन फक्त दोन टॉप-एंड ट्रिम्समध्ये - प्रेस्टीज आणि मॉन्टे कार्लो - मध्येच मिळेल. त्यांची किंमत अनुक्रमे 18.79 लाख आणि 18.99 लाख रुपये आहे. या सर्व किमती एक्स-शोरूम आहेत.
8-स्पीड AT आणि इंजिनची वैशिष्ट्ये
2026 स्कोडा कुशाक फेसलिफ्टमध्ये डिझाइनमध्ये थोडे बदल, अनेक नवीन फीचर्स आणि एक नवीन पॉवरट्रेन ऑप्शन देण्यात आला आहे. या SUV लाईनअपमध्ये आता 115 bhp पॉवर देणारं 1.0-लिटर TSI टर्बो पेट्रोल इंजिन नवीन 8-स्पीड टॉर्क कन्व्हर्टर ऑटोमॅटिक गिअरबॉक्ससोबत जोडण्यात आलं आहे. आधीच्या 6-स्पीड ऑटोमॅटिक युनिटच्या जागी हा नवीन गिअरबॉक्स आला आहे. तर 150 bhp पॉवर देणारं 1.5-लिटर टर्बो पेट्रोल इंजिन 7-स्पीड DSG ऑटोमॅटिक ट्रान्समिशनसोबत उपलब्ध आहे.
इंटिरियर आणि एक्सटीरियरमधील बदल
प्रेस्टीज ट्रिममध्ये ड्युअल-टोन ब्लॅक आणि बेज रंगाची केबिन थीम आहे, तर मॉन्टे कार्लो व्हेरिएंटला क्रिमसन शेड लेआउट मिळतो. गाडीतील 10.1-इंचाची टचस्क्रीन इन्फोटेनमेंट सिस्टीम आता अपडेटेड सॉफ्टवेअर आणि गूगल जेमिनी AI असिस्टंटला सपोर्ट करते. तसेच, 10.25-इंचाचा डिजिटल ड्रायव्हर डिस्प्ले देखील नवीन आहे.
या SUV मध्ये पॅनोरामिक सनरूफ, ड्युअल-कलर अँबिएंट लायटिंग, मागच्या प्रवाशांसाठी मसाज फंक्शन असलेल्या सीट्स, फ्रंट पार्किंग सेन्सर्स आणि 6-वे व्हेंटिलेटेड पॉवर फ्रंट सीट्स यांसारखे फीचर्सही मिळतात. वायरलेस अँड्रॉइड ऑटो आणि ऍपल कारप्ले, वायरलेस चार्जिंग पॅड, 6-स्पीकर ऑडिओ सिस्टीम, सहा एअरबॅग्ज, हिल होल्ड असिस्ट, EBD सह ABS आणि ट्रॅक्शन कंट्रोल हे इतर महत्त्वाचे फीचर्स आहेत. नवीन कुशाकमध्ये चेरी रेड, स्टील ग्रे आणि शिमला ग्रीन हे तीन नवीन एक्सटीरियर कलर ऑप्शन्सही देण्यात आले आहेत.