Planter Stand घरात झाडं लावायची आवड आहे, पण जागा कमी पडतेय? तुमच्या छोट्याशा घरासाठी किंवा बाल्कनीसाठी आम्ही काही खास आणि स्टायलिश वुडन प्लांटर टेबल डिझाइन्स घेऊन आलो आहोत. हे टेबल्स कमी जागेत सहज फिट होतात आणि घराला एक मॉडर्न लुक देतात.
घराला कोझी आणि एस्थेटिक (aesthetic) लुक देण्यासाठी लोक खूप खर्च करतात. आजकाल इनडोअर प्लांट्सचा ट्रेंडही वाढला आहे, ज्यामुळे घरात हिरवळ आणि सजावट दोन्ही साधता येते. जर तुम्हाला झाडं लावायला आवडत असतील पण जागा कमी असेल, तर हे स्टायलिश आणि फॅन्सी प्लांटर वुडन टेबल तुमच्यासाठी उत्तम पर्याय आहेत. हे टेबल्स कमी जागेत सहज फिट होतात.
24
लिव्हिंग रूममध्ये सोफ्यामुळे झाडं ठेवायला जागा नाही? काळजी करू नका. तुम्ही साईड कॉर्नरला मल्टी-लेव्हल रेक्टँग्युलर प्लांटर टेबल ठेवू शकता. यात वेगवेगळ्या उंचीचे लाकडी शेल्फ आहेत, जे लहान-मोठ्या कुंड्यांसाठी उत्तम आहेत. तर, थ्री-टायर प्लांटर टेबल हा हलका, मिनिमल आणि मॉडर्न डिझाइनचा पर्याय आहे. यात तीन लेअर्सवर कुंड्या ठेवता येतात. छोट्या रूम आणि बाल्कनीसाठी हे दोन्ही डिझाइन परफेक्ट आहेत. यावर मातीच्या कुंड्यांऐवजी सिरॅमिक किंवा टेराकोटा कुंड्या वापरल्यास ते अधिक सुंदर दिसतील.
34
घरात पुरेशी जागा असेल, तर तुम्ही स्पायरल रोलिंग प्लांटर टेबल घेऊ शकता. याला चाकं असल्यामुळे तुम्ही ते लिव्हिंग रूममधून बाल्कनीत सहज हलवू शकता. डार्क ब्राऊन पॉलिशमुळे हे टेबल क्लासिक लुक देतं. यात तुम्ही स्मॉल सक्युलेंट, मॉन्स्टेरा, स्नेक प्लांट, जेट प्लांट यांसारखी झाडं लावू शकता. खिडकीजवळ झाडं ठेवायची असतील, तर मिनिमलिस्ट टॉवर प्लांटर टेबल स्टँड उत्तम आहे. यावर तुम्ही ट्रेडस्कॅन्शिया, पोथोज, क्रोटन, पेपेरोमिया आणि पीस लिली यांसारखी वेलवर्गीय झाडं लावू शकता.
मॉड्युलर कॉर्नर प्लांटर टेबल हा एक अतिशय आकर्षक आणि मॉडर्न डिझाइनचा प्रकार आहे. हा जपानी कलेपासून प्रेरित आहे. घरात न्यूड किंवा वॉर्म कलर असतील, तर हे टेबल कॉन्ट्रास्ट लुक देईल. यावर तुम्ही मॉन्स्टेरा, चायनीज मनी प्लांट आणि स्मॉल कॅक्टस ठेवू शकता. तर, बॅम्बू स्लॅटेड फोल्डेबल प्लांटर टेबल हा पारंपरिक आणि मॉडर्न डिझाइनचा मिलाफ आहे. याचं X-शेप लेग सपोर्ट सिस्टीम याला इनडोअर आणि आऊटडोअर वापरासाठी परफेक्ट बनवते. याच्या पट्ट्यांमध्ये जागा असल्यामुळे पाणी साचून लाकूड खराब होत नाही.
