Mobile Market: Honor कंपनी आपल्या 600 सीरीजमध्ये Honor 600 Smart 5G हा नवीन फोन लवकरच लाँच करणार आहे. या फोनमध्ये 7,700mAh क्षमतेची दमदार बॅटरी, 50MP कॅमेरा आणि Snapdragon 4 Gen 4 प्रोसेसरसारखे जबरदस्त फीचर्स आहेत.
स्मार्टफोनच्या बाजारात Honor कंपनी एक नवीन मॉडेल आणत आहे. रिपोर्ट्सनुसार, कंपनीच्या 600 सीरीजमधील Honor 600 Smart 5G लवकरच लाँच होणार आहे.
27
'Coming Soon' टॅगसह लिस्टेड
फ्रान्समधील Honor च्या अधिकृत वेबसाइटवर हा हँडसेट 'Coming Soon' टॅगसह लिस्ट झाला आहे. इतकंच नाही, तर एका टेलिकॉम रिटेलरच्या वेबसाइटवर या फोनची किंमत आणि फीचर्स आधीच लीक झाले आहेत.
37
7700mAh क्षमतेची मोठी बॅटरी
रिपोर्ट्सनुसार, Honor 600 Smart 5G फोनमध्ये 7,700mAh क्षमतेची मोठी बॅटरी असेल. हा फोन 45W वायर्ड फास्ट चार्जिंगला सपोर्ट करतो. कंपनीचा दावा आहे की, एकदा पूर्ण चार्ज केल्यावर तब्बल 93 तास बॅटरी चालेल. तसेच, तुम्ही 28 तास न थांबता व्हिडिओ पाहू शकता.
या फोनमध्ये 6.87-इंचाचा HD+ LCD डिस्प्ले आहे, जो 1,592x720 पिक्सेल रिझोल्यूशन आणि 1,020 निट्स ब्राइटनेस देतो. यात Qualcomm Snapdragon 4 Gen 4 चिपसेट वापरला आहे. फोनमध्ये 4GB रॅम आणि 128GB स्टोरेज मिळेल. Honor च्या RAM टर्बो टेक्नॉलॉजीमुळे रॅम 12GB पर्यंत वाढवता येते.
57
50-मेगापिक्सलचा मुख्य कॅमेरा
या फोनमध्ये 50-मेगापिक्सलचा मुख्य कॅमेरा सेन्सर आहे. धूळ आणि पाण्यापासून संरक्षणासाठी याला IP64 रेटिंग मिळाली आहे. तसेच, SGS प्रीमियम ड्रॉप रेझिस्टन्स प्रमाणपत्र मिळाल्यामुळे, हा फोन रोजच्या वापरात अधिक सुरक्षित असल्याचं कंपनीने म्हटलं आहे.
67
ड्युअल स्टिरिओ स्पीकर्सही
Honor 600 Smart 5G फोन काळ्या आणि पांढऱ्या रंगात उपलब्ध होईल. AI आधारित सेवा वेगाने वापरण्यासाठी यात एक खास AI बटण दिले आहे. चांगल्या साउंड अनुभवासाठी ड्युअल स्टिरिओ स्पीकर्सही यात आहेत.
77
किंमत किती?
फ्रान्समधील टेलिकॉम ऑपरेटर SFR च्या लिस्टिंगनुसार, 4GB रॅम + 128GB स्टोरेज व्हेरिएंटची किंमत 219 युरो आहे. म्हणजेच, भारतीय रुपयांमध्ये ही किंमत अंदाजे 23,000 रुपये असू शकते. Honor ने अजून लाँचची तारीख जाहीर केलेली नाही, पण हा फोन लवकरच बाजारात येईल अशी अपेक्षा आहे.
