MG Majestor : फॉर्च्युनरला टक्कर द्यायला येतोय उच्च मध्यमवर्गीयांचा नवा 'राजा', बुकिंग सुरू!
सार
MG Majestor SUV India Launch Confirmed for April 2026 : JSW MG मोटर इंडियाने कन्फर्म केलं आहे की, त्यांची नवी MG मजेस्टर SUV भारतात 20 एप्रिल 2026 रोजी लाँच होईल. 2.0-लिटर ट्विन-टर्बो डिझेल इंजिन आणि 4x4 क्षमतेसह येणारी ही प्रीमियम SUV, टोयोटा फॉर्च्युनरसारख्या गाड्यांना थेट टक्कर देईल.
MG Majestor SUV India Launch Confirmed for April 2026 : JSW MG मोटर इंडियाने जाहीर केलं आहे की, त्यांची बहुप्रतिक्षित मजेस्टर SUV येत्या 20 एप्रिल 2026 रोजी भारतात लाँच केली जाईल आणि त्याच दिवशी गाडीच्या किमतीही जाहीर होतील. ही एक प्रीमियम, तीन-रो असलेली SUV असून ती बॉडी-ऑन-फ्रेम चेसिसवर बनवण्यात आली आहे. बाजारात तिची थेट स्पर्धा टोयोटा फॉर्च्युनर, स्कोडा कोडियाक, जीप मेरिडियन आणि नुकत्याच लाँच झालेल्या फोक्सवॅगन टेरॉनसारख्या गाड्यांशी असेल. MG मजेस्टरसाठी बुकिंग्स आधीच सुरू झाल्या आहेत. ग्राहक 41,000 रुपये टोकन रक्कम भरून ही गाडी बुक करू शकतात. गाडीची डिलिव्हरी मे 2026 पासून सुरू होण्याची शक्यता आहे.
व्हेरियंट्स आणि अपेक्षित किंमत
मजेस्टर SUV शार्प 4X2 (7-सीटर), सॅव्ही 4X2 (7-सीटर), सॅव्ही 4X2 (6-सीटर) आणि सॅव्ही 4X4 (7-सीटर) अशा विविध व्हेरियंट्समध्ये उपलब्ध असेल. ग्राहकांना 6 आणि 7-सीटर असे दोन सीटिंग पर्याय मिळतील. गाडीची अधिकृत किंमत 20 एप्रिलला जाहीर होणार असली तरी, एक्स-शोरूम किंमत 40 लाख ते 45 लाख रुपयांच्या दरम्यान असेल असा अंदाज आहे.
खास वॉरंटी ऑफर
कंपनीने एक खास ऑफर ठेवली आहे. जे पहिले 3,000 ग्राहक ही SUV बुक करतील, त्यांना 5 वर्षांची/अनलिमिटेड किलोमीटर वॉरंटी, पाच वर्षांसाठी लेबर-फ्री सर्व्हिस आणि पाच वर्षांसाठी रोडसाइड असिस्टन्स (RSA) मोफत मिळेल.
दमदार इंजिन आणि ऑफ-रोड क्षमता
MG मजेस्टरमध्ये 2.0-लिटर क्षमतेचं ट्विन-टर्बो डिझेल इंजिन देण्यात आलं आहे, जे 215 bhp पॉवर आणि 478 Nm टॉर्क जनरेट करतं. हे इंजिन 8-स्पीड टॉर्क कन्व्हर्टर ऑटोमॅटिक गिअरबॉक्सशी जोडलेलं आहे. व्हेरियंटनुसार, गाडीत रिअर-व्हील ड्राइव्ह किंवा फोर-व्हील ड्राइव्हचा (4WD) पर्याय मिळेल. गाडीची ऑफ-रोड क्षमता वाढवण्यासाठी यात ऑन-डिमांड 4WD सिस्टीम, एम-हब (टेरेन मॅनेजमेंट सिस्टीम), वेगवेगळे ड्रायव्हिंग मोड्स, तीन डिफरेंशियल लॉक्स, जास्त ग्राउंड क्लिअरन्स आणि 810mm पर्यंत पाण्यातून जाण्याची क्षमता (वॉटर-वेडिंग कपॅसिटी) यांसारखी फीचर्स आहेत.
आकार आणि रंग
ही गाडी आकाराने खूप मोठी आहे. तिची लांबी 5,046 mm, रुंदी 2,016 mm आणि उंची 1,876 mm आहे. गाडीचा व्हीलबेस 2,950 mm आहे. तिसऱ्या रांगेतील सीट चालू असताना गाडीत 343 लिटरची बूट स्पेस मिळते, तर तिसरी रांग फोल्ड केल्यावर ही जागा 1,350 लिटरपर्यंत वाढते. ही SUV मेटल ॲश, मेटल ब्लॅक, काँक्रीट ग्रे आणि पर्ल व्हाइट अशा चार आकर्षक रंगांमध्ये उपलब्ध असेल.