लेव्हल-2 ADAS सुरक्षेसह येणार नवीन MG Hector, बघा डिझाईन, वाचा फिचर्स!

MG Hector 2026 facelift model : MG हेक्टर या वर्षीच्या अखेरीत म्हणजेच डिसेंबर २०२५ मध्ये लॉन्च होण्याची शक्यता आहे. यावेळी व्हेंटिलेटेड मागील सीटसारखी नवीन वैशिष्ट्ये सोबत येतील. इंजिनमध्ये बदल नसेल.

2026 एमजी हेक्टर

2026 एमजी हेक्टर मॉडेल 2025 च्या अखेरीस भारतात लाँच होण्याची शक्यता आहे. 2019 मध्ये लाँच झालेली ही एमजीची पहिली एसयूव्ही होती. वाढत्या स्पर्धेमुळे विक्रीत घट झाली आहे. त्यामुळे, 2026 फेसलिफ्ट अपडेटद्वारे कंपनी ग्राहकांना पुन्हा आकर्षित करण्याचा प्रयत्न करत आहे.

एमजी एसयूव्ही

बाहेरील लूकमध्ये मोठी फ्रंट ग्रिल, अपडेटेड फ्रंट आणि रिअर बंपर असतील. क्रोम अॅक्सेंट दिले जातील आणि LED हेडलॅम्प व टेल लॅम्पमध्ये किरकोळ सुधारणा असतील. याशिवाय, नवीन डिझाइनसह 19-इंच अलॉय व्हील दिले जाऊ शकतात. इंटीरियरमध्ये नवीन अपहोल्स्ट्री आणि रंग पर्याय अपेक्षित आहेत.

एमजी हेक्टर फेसलिफ्ट

मोठी टचस्क्रीन डिस्प्ले कायम राहील, पण इन्फोटेनमेंट इंटरफेसमध्ये सॉफ्टवेअर अपडेट मिळू शकते. यामुळे युझर एक्सपीरियन्स अधिक चांगला होईल. पॅनोरॅमिक सनरूफ, डिजिटल इन्स्ट्रुमेंट क्लस्टर, वायरलेस चार्जिंग, पॉवर्ड ड्रायव्हर सीट आणि एअर प्युरिफायर यांसारखी वैशिष्ट्ये कायम राहतील. याशिवाय, व्हेंटिलेटेड मागील सीटसारखे नवीन फीचर्सही दिले जाऊ शकतात.

एमजी हेक्टर अपडेट

पॉवरट्रेनमध्ये मोठे बदल अपेक्षित नाहीत. 1.5-लिटर टर्बो पेट्रोल इंजिन (141 bhp/250 Nm) मॅन्युअल आणि CVT गिअरबॉक्ससह मिळेल. 2.0-लिटर टर्बो डिझेल इंजिन (167 bhp/350 Nm) फक्त 6-स्पीड मॅन्युअल गिअरबॉक्ससह येईल. सुरक्षेसाठी सहा एअरबॅग्ज, 360-डिग्री कॅमेरा आणि लेव्हल-2 ADAS कायम राहील.