मारुती कारच्या किमती वाढणार? सवलत सुरू ठेवायची की नाही; याबाबत होणार निर्णय

वाहनप्रेमींसाठी महत्त्वांची माहिती आहे.  मारुती सुझुकी आपल्या लहान कारच्या किमती वाढवण्याचा विचार करत आहे. जीएसटी दर कमी केल्यामुळे कंपनीने किमती कमी केल्या होत्या, पण हीच किंमत पुढे चालू ठेवायची की नाही, यावर लवकरच निर्णय घेतला जाईल. 

भारतातील आघाडीची ऑटोमोबाईल उत्पादक कंपनी मारुती सुझुकी इंडिया, लहान कारच्या किमती वाढवण्याबाबत लवकरच निर्णय घेणार आहे. सप्टेंबरमध्ये लहान कारवरील जीएसटी दर कमी झाल्यानंतर मारुतीने या वाहनांच्या किमती कमी केल्या होत्या, असे कंपनीच्या एका वरिष्ठ अधिकाऱ्याने सांगितले. गेल्या काही महिन्यांपासून कंपनीच्या लहान कारच्या विक्रीत वाढ झाली आहे. चला, याबद्दल सविस्तर जाणून घेऊया.

कंपनीने एस-प्रेसो मॉडेलवर १,२९,६०० रुपयांपर्यंत, ऑल्टो के १० मॉडेलवर १,०७,६०० रुपयांपर्यंत, सेलेरियो मॉडेलवर ९४,१०० रुपयांपर्यंत आणि वॅगनआर मॉडेलवर ७९,६०० रुपयांपर्यंत किमती कमी केल्या होत्या. लहान कारच्या किमती कमी करण्यामागे अधिकाधिक लोकांपर्यंत कार पोहोचवणे हा आमचा उद्देश होता, असे मारुती सुझुकी इंडियाचे मार्केटिंग आणि सेल्सचे वरिष्ठ कार्यकारी अधिकारी पार्थो बॅनर्जी यांनी नुकतेच पत्रकारांना सांगितले.

इतर कंपन्यांप्रमाणे मारुतीही किमती वाढवणार का, या प्रश्नावर बॅनर्जी म्हणाले की, जीएसटीमुळे दिलेली सवलत मागे घ्यायची की हीच किंमत पुढे चालू ठेवायची, यावर कंपनी लवकरच निर्णय घेईल.

ज्या ग्राहकांनी कार बुक केली आहे आणि त्यांना अद्याप डिलिव्हरी मिळालेली नाही, त्यांच्यासाठी हा निर्णय लागू होईल, असे बॅनर्जी यांनी सांगितले. पुढील १५-२० दिवसांसाठी बुक केलेल्या ग्राहकांना आम्ही सध्याच्याच दरात सेवा देत राहू. सध्या आमचा हाच विचार आहे आणि लवकरच यावर घोषणा केली जाईल, असे पार्थो बॅनर्जी यांनी स्पष्ट केले.