नवीन मारुती सुझुकी ब्रेझा फेसलिफ्टची उत्सुकता शिगेला पोहोचली आहे. अनेक बदलांसह येणाऱ्या या गाडीची बुकिंग सुरू झाली आहे. तुम्ही फक्त 11,000 रुपयांमध्ये ही नवीन कार बुक करू शकता.
मारुती सुझुकीच्या सर्वाधिक विकल्या गेलेल्या गाड्यांपैकी एक असलेली ब्रेझा आता नव्या अवतारात येत आहे. मारुती सुझुकी ब्रेझा फेसलिफ्ट 24 जुलै रोजी लाँच होणार आहे. नवीन डिझाइन, टर्बो इंजिनसह अनेक वैशिष्ट्ये या गाडीत आहेत. विशेष म्हणजे, लाँच होण्यापूर्वीच कंपनीने या गाडीची बुकिंग सुरू केली आहे.
26
11,000 रुपयांत करा नवीन मारुती सुझुकी ब्रेझा फेसलिफ्ट बुक
मारुती सुझुकीने ब्रेझा फेसलिफ्टची बुकिंग सुरू केली असून, ग्राहकांकडून त्याला जबरदस्त प्रतिसाद मिळत आहे. तुम्ही फक्त 11,000 रुपयांमध्ये ही कार बुक करू शकता. जवळच्या डीलरकडे किंवा ऑनलाइन पद्धतीनेही बुकिंग करण्याची सोय आहे.
36
टीझरसोबत बुकिंगला सुरुवात
नव्या ब्रेझा फेसलिफ्टच्या बुकिंगसोबतच कंपनीने एक टीझरही रिलीज केला आहे. या टीझरमध्ये बॉलिवूड अभिनेता कार्तिक आर्यन दिसत आहे. या टीझरला चांगला प्रतिसाद मिळत असून, 'एक नवीन अनुभव तुम्हाला कार खरेदी करण्यास भाग पाडेल,' असा विश्वास मारुती सुझुकीने व्यक्त केला आहे.
मारुती सुझुकी ब्रेझामध्ये डिझाइन, ग्रिल, टेल लाईट आणि DRL मध्ये मोठे बदल केले आहेत. यात महत्त्वाचा बदल म्हणजे 1.0-लीटर टर्बो बूस्टरजेट पेट्रोल इंजिन. हेच इंजिन मारुती सुझुकी फ्रॉन्क्समध्येही वापरले आहे. हे इंजिन 100 PS पॉवर आणि 147.6 Nm टॉर्क जनरेट करते.
56
नवीन कारची किंमत
1.0-लीटर इंजिनमुळे ब्रेझा फेसलिफ्टला GST मध्येही फायदा मिळेल. त्यामुळे ही कार आकर्षक आणि परवडणाऱ्या किमतीत लाँच होण्याची शक्यता आहे. गाड्यांच्या वाढत्या किमती पाहता, नव्या ब्रेझाची किंमत स्पर्धात्मक असेल. 23 जुलै रोजी कंपनी गाडीच्या किमतीची घोषणा करेल.
66
स्पर्धक गाड्या
ब्रेझा फेसलिफ्टची स्पर्धा टाटा नेक्सॉन, महिंद्रा 3XO, किया सोनेट, ह्युंदाई व्हेन्यू आणि स्कोडा कायलाक (Skoda Kailaq) यांसारख्या सब-कॉम्पॅक्ट एसयूव्हींशी होईल. लवकरच ब्रेझा फेसलिफ्ट 1.5-लीटर नॅचरल ॲस्पिरेटेड आणि सीएनजी व्हर्जनमध्येही लाँच केली जाईल.
