छप्पर फाड रिस्पॉन्स.. Maruti Suzuki Swift, Wagon R, Brezza नाही, ग्राहक या कारसाठी तुटून पडले!

स्विफ्ट, वॅगनआर, ब्रेझा नाही, तर ग्राहक मारुती सुझुकीच्या 'या' कारवर तुटून पडले आहेत. सप्टेंबर महिन्यात मारुतीच्या सर्वाधिक विकल्या गेलेल्या कारच्या यादीत या गाडीने पहिला क्रमांक पटकावला आहे. विशेष म्हणजे या गाडीची किंमत फक्त 6.25 लाख रुपये आहे.

मारुती सुझुकी कारचा विक्रम

GST कपातीनंतर भारतात कार विक्रीत मोठी वाढ झाली आहे. नवीन कार खरेदी करणाऱ्यांची संख्या वाढली आहे. विशेष म्हणजे, जवळपास प्रत्येक महिन्यात वॅगनआर, ब्रेझा, स्विफ्ट या गाड्या विक्रीत पहिल्या क्रमांकावर असायच्या. पण सप्टेंबर महिन्यात मारुती सुझुकीच्या कार विक्रीने एक नवीन विक्रम केला आहे. मारुतीच्या या एका कारने ब्रेझा, वॅगनआर, स्विफ्ट आणि बलेनो या गाड्यांना मागे टाकले आहे.

मारुती स्विफ्ट डिझायरसाठी ग्राहकांची झुंबड

सप्टेंबर महिन्यात ग्राहकांनी मारुती स्विफ्ट डिझायर कार खरेदी करण्यासाठी मोठी गर्दी केली आहे. 2024 चे मॉडेल डिझायर अनेक बदलांसह लॉन्च झाले होते. आकर्षक डिझाइन आणि फीचर्ससोबतच, ही मारुती सुझुकीची पहिली 5-स्टार सेफ्टी रेटिंग असलेली कार आहे. त्यामुळेच आता लोक डिझायर कार खरेदीसाठी तुटून पडले आहेत.

सप्टेंबरमध्ये 20 हजार डिझायर कारची विक्री

सप्टेंबर महिन्यात मारुती डिझायरच्या 20,038 युनिट्सची विक्री झाली आहे. सप्टेंबर 2024 मध्ये याच डिझायर कारच्या 10,853 युनिट्सची विक्री झाली होती. यातून 84.63 टक्के वाढ दिसून येते. मारुतीच्या कारमध्ये स्विफ्ट 15,547 युनिट्सच्या विक्रीसह दुसऱ्या स्थानावर आहे.

सप्टेंबर महिन्यातील मारुती सुझुकी कारची विक्री

मारुती सुझुकी डिझायर: 20,038

मारुती सुझुकी स्विफ्ट: 15,547

मारुती सुझुकी वॅगनआर: 15,338

मारुती सुझुकी फ्रॉन्क्स: 13,767

मारुती सुझुकी बलेनो: 13,173

मारुती सुझुकी अर्टिगा: 12,115

मारुती सुझुकी ब्रेझा: 10,173

सप्टेंबर महिन्यात मारुती सुझुकी

सप्टेंबर महिन्यात मारुती सुझुकीने सर्वाधिक विक्रीचा विक्रम केला आहे. एकूण 1,32,821 गाड्यांची विक्री झाली आहे. विशेष म्हणजे, नुकत्याच लाँच झालेल्या मारुती सुझुकी व्हिक्टोरिस कारच्या 4,261 युनिट्सची विक्री झाली आहे. व्हिक्टोरिस कारला 5-स्टार सेफ्टी रेटिंग देखील मिळाली आहे.