Maruti च्या या बजेटफ्रेंडली कारची किंमत 5 लाखांच्या आत, शिवाय मिळतोय 10% डिस्काऊंट!

Maruti Celerio December Discounts : मारुती सुझुकी आपल्या लोकप्रिय हॅचबॅक सेलेरियोवर डिसेंबरमध्ये 52,500 रुपयांपर्यंतची आकर्षक सूट देत आहे. यामध्ये कॅश डिस्काउंट, एक्सचेंज बोनस आणि स्क्रॅपेज बोनसचा समावेश असून ही ऑफर सर्व व्हेरिएंटवर उपलब्ध आहे.

खरेदीची उत्तम संधी

जास्त मायलेज आणि कमी बजेटमध्ये बसणारी हॅचबॅक कार खरेदी करण्याचा विचार करत असाल, तर तुमच्यासाठी एक चांगली बातमी आहे. मारुती सुझुकी सेलेरियो तुमच्यासाठी एक उत्तम संधी आहे. या महिन्यात, कंपनी आपल्या लोकप्रिय सेलेरियो कारवर 52,500 रुपयांपर्यंतची आकर्षक सूट देत आहे, ज्यामुळे ही कार आणखी स्वस्त झाली आहे.

असा मिळेल डिस्काऊंट

मारुती सेलेरियोच्या सर्व व्हेरिएंटवर (LXi ते ZXi+ पर्यंत) समान ऑफर देत आहे. यामध्ये 25,000 रुपयांचा कॅश डिस्काउंट समाविष्ट आहे, म्हणजेच थेट 25,000 रुपयांची सूट. याशिवाय, तुम्हाला 15,000 रुपयांचा एक्सचेंज बोनस मिळेल. तुमची जुनी कार एक्सचेंज केल्यास, तुम्हाला 15,000 रुपयांची अतिरिक्त सूट मिळेल. जर तुम्ही तुमची जुनी कार स्क्रॅप केली, तर हा बोनस 15,000 रुपयांऐवजी 25,000 रुपये होईल. 

तब्बल ५२ हजारांची सूट

याव्यतिरिक्त, 2,500 रुपयांपर्यंतच्या इतर ऑफर्सही आहेत. काही डीलर-लेव्हल फायदे आणि लहान ऑफर्स स्वतंत्रपणे उपलब्ध आहेत. या सर्वांमुळे एकूण 52,500 रुपयांपर्यंतची बचत होते.

सर्वांत स्वस्त हॅचबॅक

मारुती सेलेरियोची एक्स-शोरूम किंमत 4.70 लाख ते 6.73 लाख रुपयांपर्यंत आहे. या किंमतीत, सेलेरियो ही भारतातील सर्वात स्वस्त आणि जास्त मायलेज देणाऱ्या हॅचबॅकपैकी एक आहे. मारुती सेलेरियोच्या वैशिष्ट्यांमध्ये AMT (ऑटो गिअर शिफ्ट) पर्यायाचा समावेश आहे, ज्यामुळे ट्रॅफिकमध्ये गाडी चालवणे सोपे होते आणि मायलेजही चांगले मिळते.

शहरासाठी उत्तम कार

यात ड्युअलजेट 1.0L K-सिरीज इंजिन आहे, जे उत्तम इंधन कार्यक्षमता देते. यात सहा एअरबॅग्जचा पर्यायही उपलब्ध आहे. ही कार वजनाने हलकी आणि आकाराने लहान असल्यामुळे शहरात चालवण्यासाठी अतिशय सोयीस्कर आहे.