Lucky Birth Dates: पहिली मुलगी या तारखांना जन्मल्यास वडीलांचा होतो भाग्योदय!

Lucky Birth Dates: घरात पहिलं अपत्य मुलगी असणं म्हणजे प्रत्यक्ष महालक्ष्मी घरात आल्यासारखं मानलं जातं. अंकशास्त्रानुसार, काही विशिष्ट तारखांना जन्मलेल्या मुली वडिलांसाठी भाग्य घेऊन येतात. चला तर मग, त्या तारखा कोणत्या आहेत ते पाहूया... 

क्रमांक 1 (1, 10, 19, 28)..

कोणत्याही महिन्याच्या 1, 10, 19, 28 या तारखांना जन्मलेले लोक क्रमांक 1 च्या अंतर्गत येतात. या तारखेचा स्वामी सूर्य आहे. या तारखांना जन्मलेली मुलगी जर पहिलं अपत्य असेल, तर वडिलांचं नशीब उजळतं. या मुलींमुळे वडिलांना समाजात मान-सन्मान आणि पद मिळतं. वडील सरकारी नोकरीत असल्यास बढती मिळते. राजकारणात यश मिळतं. ही मुलगी वडिलांसाठी लकी चार्म म्हणून काम करते.

क्रमांक 3 (3, 12, 21, 30)..

कोणत्याही महिन्याच्या 3, 12, 21, 30 या तारखांना जन्मलेले लोक क्रमांक 3 च्या अंतर्गत येतात. या तारखेचा स्वामी गुरु आहे. घरात पहिलं अपत्य म्हणून या तारखांना मुलगी जन्माला आल्यास वडिलांचं भाग्य दुप्पट होतं. या मुलीच्या जन्मानंतर वडिलांच्या सर्व प्रलंबित समस्या दूर होतात. विशेषतः मालमत्तेचे वाद मिटतात. अचानक धनलाभही होतो. वडील आध्यात्मिक आणि आर्थिकदृष्ट्या उच्च पदावर पोहोचतात.

क्रमांक 5 (5, 14, 23)

कोणत्याही महिन्याच्या 5, 14, 23 या तारखांना जन्मलेले लोक क्रमांक 5 च्या अंतर्गत येतात. तुमच्या घरात पहिलं अपत्य मुलगी असेल आणि तिचा जन्म या तारखांना झाला असेल, तर त्या वडिलांचं नशीब कोणीही रोखू शकत नाही. या अंकाचा स्वामी बुध आहे. बुध हा व्यवसायाचा कारक आहे. वडील व्यावसायिक असल्यास, या तारखांना मुलगी जन्माला आल्यानंतर व्यवसायात अनपेक्षित वाढ होते. नवीन कॉन्ट्रॅक्ट मिळतात आणि परदेश प्रवास यशस्वी होतात. वडील करोडपती होतात.

क्रमांक 6 (6, 15, 24)

कोणत्याही महिन्याच्या 6, 15, 24 या तारखांना जन्मलेले लोक क्रमांक 6 च्या अंतर्गत येतात. या अंकाचा स्वामी शुक्र आहे. पहिलं अपत्य मुलगी असेल, तर त्या घरात संपत्तीची कमतरता भासत नाही. शुक्र हा ऐषोआराम आणि संपत्तीचा कारक आहे. या तारखांना जन्मलेली मुलगी घरात आल्यास, वडिलांना नवीन घर किंवा वाहन खरेदी करण्याचा योग येतो. घरात सुख-समृद्धी नांदते. या मुलींचे वडिलांवर खूप प्रेम असते.