एलआयसी जीवन उत्सव पॉलिसीमध्ये तुम्ही फक्त ५ वर्षे प्रीमियम भरून आयुष्यभर हमखास उत्पन्न मिळवू शकता. भारतीय आयुर्विमा महामंडळाच्या (LIC) या भन्नाट पॉलिसीची संपूर्ण माहिती.
एलआयसीचा सुपर प्लॅन.. दरवर्षी १० टक्के परतावा देणारी बेस्ट पॉलिसी
रिटायरमेंटनंतरच्या खर्चाचं टेन्शन आलंय का? एलआयसीने (LIC) तुमच्यासाठी 'जीवन उत्सव' ही एक जबरदस्त पॉलिसी आणली आहे. या स्कीममध्ये तुम्ही फक्त ५ वर्षे प्रीमियम भरून आयुष्यभर फिक्स इन्कम मिळवू शकता.
हा एक नॉन-लिंक्ड आणि नॉन-पार्टिसिपेटिंग वैयक्तिक जीवन विमा प्लॅन आहे. म्हणजेच, शेअर बाजारातील चढ-उतारांचा यावर कोणताही परिणाम होत नाही. त्यामुळे तुमची गुंतवणूक १०० टक्के सुरक्षित राहते. यासोबतच पॉलिसीधारकाला रिस्क कव्हरचा फायदाही मिळतो.
25
प्रीमियम भरण्याचे पर्याय आणि नियम
या स्कीममध्ये पॉलिसीधारक आपल्या सोयीनुसार ५ ते १६ वर्षांपर्यंत प्रीमियम भरण्याचे पर्याय निवडू शकतात. या प्लॅनमध्ये किमान ५ लाख रुपयांची बेसिक सम अश्युअर्ड (विमा रक्कम) निश्चित केली आहे.
उदाहरणार्थ, ३० वर्षांच्या व्यक्तीने ५ लाख रुपयांचा विमा घेतला आणि ५ वर्षांचा पर्याय निवडला, तर त्याला दरवर्षी १,१०,१५० रुपये प्रीमियम भरावा लागेल. जर त्याने ८ वर्षांचा पर्याय निवडला तर ७२,६०० रुपये, १२ वर्षांसाठी ४४,२७५ रुपये आणि १६ वर्षांच्या पर्यायासाठी दरवर्षी ३०,०२५ रुपये प्रीमियम भरावा लागेल.
35
आयुष्यभर मिळणार १० टक्के वार्षिक उत्पन्न
या पॉलिसीच्या रेग्युलर इन्कम बेनिफिट ऑप्शनअंतर्गत, पॉलिसीधारकाला बेसिक सम अश्युअर्डच्या १० टक्के रक्कम दरवर्षी मिळते. म्हणजेच ५ लाख रुपयांच्या विम्यावर तुम्हाला दरवर्षी ५० हजार रुपये मिळतील.
जर तुम्ही ५ वर्षे प्रीमियम भरण्याचा पर्याय निवडला असेल, तर हे उत्पन्न पॉलिसीच्या ११ व्या वर्षापासून सुरू होते. सर्वात महत्त्वाची गोष्ट म्हणजे, पॉलिसीधारक जिवंत असेपर्यंत त्याला हे उत्पन्न दरवर्षी न चुकता मिळत राहते.
एलआयसी जीवन उत्सवच्या नियमांनुसार, प्रीमियम भरण्याच्या कालावधीत दरवर्षी गॅरंटीड ॲडिशन्स (बोनस) मिळतात. बेसिक सम अश्युअर्डच्या प्रत्येक १००० रुपयांवर ४० रुपये अतिरिक्त जोडले जातात.
जर तुमची बेसिक सम अश्युअर्ड ५ लाख रुपये असेल, तर प्रत्येक पात्र वर्षात ही गॅरंटीड ॲडिशनची रक्कम थेट २०,००० रुपयांपर्यंत पोहोचते. यामुळे पॉलिसीधारकाला भविष्यात मोठा आर्थिक आधार मिळतो.
55
फ्लेक्सी इन्कम, डेथ बेनिफिट आणि लोनची सुविधा
या प्लॅनमध्ये फ्लेक्सी इन्कमचा फायदाही मिळतो. म्हणजेच, पॉलिसीधारक आपले उत्पन्न लगेच न घेता भविष्यासाठी पुढे ढकलू शकतो. अशा जमा झालेल्या रकमेवर कंपनी ५.५ टक्के वार्षिक दराने व्याज देते.
याशिवाय, पॉलिसी सुरू असताना पॉलिसीधारकाचा मृत्यू झाल्यास, नियमांनुसार नॉमिनीला डेथ बेनिफिट्स मिळतात. तसेच, अचानक पैशांची गरज भासल्यास या पॉलिसीवर लोन घेण्याची सुविधाही दिली आहे. लोनची रक्कम आणि व्याजदर पॉलिसीच्या नियमांवर अवलंबून असतो.
Utility News (उपयुक्तता बातम्या): Check Latest उपयुक्तता बातम्या थेट in Marathi. Read वैयक्तिक कर्ज, बँकिंग टिप्स, गुंतवणूक, सोने आणि चांदीच्या किंमती बातम्या, ताज्या बातम्या at Asianet Marathi News .
