LIC Jeevan Anand Policy : रोज फक्त 45 रुपये वाचवा आणि मिळवा तब्बल 25 लाख रुपये; पॉलिसी काय?

LIC च्या जीवन आनंद पॉलिसीमध्ये तुम्ही रोज फक्त ४५ रुपयांची बचत करून मॅच्युरिटीला २५ लाख रुपयांचा मोठा फंड मिळवू शकता. ही भन्नाट स्कीम नेमकी कशी काम करते?

LIC जीवन आनंद पॉलिसीची खासियत काय आहे?

भारतीय आयुर्विमा महामंडळ (LIC) ही देशातील सर्वात मोठी सरकारी विमा कंपनी आहे. एलआयसीच्या पॉलिसी नेहमीच सुरक्षित आणि चांगला परतावा देणाऱ्या मानल्या जातात. लहान मुलांपासून ते वृद्धांपर्यंत सर्वांच्या गरजेनुसार एलआयसी विविध प्लॅन्स ऑफर करते. सध्या मार्केटमध्ये अशा अनेक खास स्कीम्स उपलब्ध आहेत.

कमी पैशांची बचत करून भविष्यात मोठा फंड उभा करण्यासाठी हे प्लॅन्स खूप फायदेशीर ठरतात. 'एलआयसी जीवन आनंद पॉलिसी' ही अशीच एक जबरदस्त स्कीम आहे. या पॉलिसीच्या माध्यमातून तुम्ही मॅच्युरिटीच्या वेळी सहज २५ लाख रुपयांपर्यंतची रक्कम मिळवू शकता.

पॉलिसीचे नियम आणि पात्रता

कमी प्रीमियम भरून मोठी रक्कम जमा करू इच्छिणाऱ्यांसाठी हा प्लॅन एक उत्तम पर्याय आहे. ही स्कीम एका सामान्य टर्म पॉलिसीसारखीच काम करते. तुमची पॉलिसी जितक्या वर्षांची असेल, तितकी वर्षे तुम्हाला प्रीमियम भरावा लागतो. या प्लॅनमध्ये अनेक प्रकारचे मॅच्युरिटी बेनिफिट्स मिळतात. यात किमान विमा रक्कम १ लाख रुपयांपासून सुरू होते. विशेष म्हणजे, कमाल रकमेवर कोणतीही मर्यादा नाही. तुम्ही तुमच्या आर्थिक परिस्थितीनुसार गुंतवणुकीची रक्कम ठरवू शकता.

रोज फक्त ४५ रुपयांची बचत

एलआयसी जीवन आनंद पॉलिसीमध्ये दरमहा सुमारे १,३५८ रुपये जमा करून तुम्ही २५ लाखांची मोठी रक्कम मिळवू शकता. याचाच अर्थ, तुम्हाला दिवसाला फक्त ४५ रुपये बाजूला काढावे लागतील. पण लक्षात ठेवा, ही एक लाँग टर्म पॉलिसी आहे.

या पॉलिसीचा कालावधी १५ ते ३५ वर्षांपर्यंत असतो. उदाहरणार्थ, जर तुम्ही रोज ४५ रुपये वाचवून ३५ वर्षांसाठी या प्लॅनमध्ये गुंतवणूक केली, तर मॅच्युरिटीनंतर तुमच्या हातात २५ लाख रुपये मिळतील. वार्षिक हिशोब केला, तर तुम्ही वर्षाला सुमारे १६,३०० रुपये जमा करता.

डबल बोनस आणि एकूण रकमेचं गणित

जर तुम्ही या एलआयसी पॉलिसीमध्ये सलग ३५ वर्षे दरसाल १६,३०० रुपये गुंतवले, तर तुमची एकूण जमा रक्कम ५,७०,५०० रुपये होते. पॉलिसीच्या नियमांनुसार, यात बेसिक सम अश्युअर्ड ५ लाख रुपये असते.

मॅच्युरिटीचा कालावधी संपल्यानंतर, रिव्हिजनरी बोनस म्हणून ८.६० लाख रुपये आणि फायनल बोनस म्हणून ११.५० लाख रुपये दिले जातात. एलआयसी जीवन आनंद पॉलिसीमध्ये दोन वेळा बोनस मिळतो. पण यासाठी तुमची पॉलिसी किमान १५ वर्षे पूर्ण झालेली असणं गरजेचं आहे.

पॉलिसीचे अतिरिक्त फायदे काय आहेत?

जीवन आनंद पॉलिसी घेणाऱ्यांना कोणताही टॅक्स बेनिफिट मिळत नाही. पण, यात चार प्रकारचे अतिरिक्त रायडर्स उपलब्ध आहेत. यामध्ये ॲक्सिडेंटल डेथ अँड डिसॲबिलिटी रायडर, ॲक्सिडेंट बेनिफिट रायडर, न्यू टर्म इन्शुरन्स रायडर आणि न्यू क्रिटिकल बेनिफिट रायडर यांचा समावेश आहे. डेथ बेनिफिटचा विचार केल्यास, जर पॉलिसीधारकाचा दुर्दैवी मृत्यू झाला, तर नॉमिनीला पॉलिसीच्या बेसिक सम अश्युअर्डच्या १२५ टक्के रक्कम थेट दिली जाते.