Konkan Railway Recruitment 2025: कोकण रेल्वेमध्ये 80 पदांसाठी भरती, थेट मुलाखतींव्दारे निवड; अर्ज कसा करावा?

Konkan Railway Recruitment 2025: कोकण रेल्वे कॉर्पोरेशन लिमिटेडने ऑगस्ट २०२५ मध्ये विविध ८० पदांसाठी भरती जाहीर केली आहे. ऑनलाईन अर्ज स्वीकारले जात असून, निवड प्रक्रिया मुलाखतीच्या माध्यमातून होणार आहे. मुलाखती सप्टेंबर २०२५ मध्ये होतील.

Konkan Railway Corporation Limited Bharti 2025: कोकण रेल्वे कॉर्पोरेशन लिमिटेडने ऑगस्ट 2025 मध्ये विविध पदांसाठी भरती जाहीर केली आहे. या भरतीमधून एकूण 80 पदांवर निवड केली जाणार आहे. खास गोष्ट म्हणजे या भरती प्रक्रियेसाठी ऑनलाईन अर्ज स्वीकारले जात असून, निवड प्रक्रिया मुलाखतीच्या माध्यमातून होणार आहे.

रेल्वे विभागात नोकरी मिळवण्यासाठी सध्या एक मोठी संधी आहे. जर आपल्यालाही कोकण रेल्वेत करियर करायचं असेल, तर हा तुमच्यासाठी एक सुवर्णसंधी ठरू शकते. कोकण रेल्वेने सहाय्यक विद्युत अभियंता, वरिष्ठ तांत्रिक सहाय्यक/ईएलई, कनिष्ठ तांत्रिक सहाय्यक/ईएलई आणि तांत्रिक सहाय्यक/ईएलई या पदांसाठी 80 रिक्त जागांची घोषणा केली आहे. अर्ज करण्याची प्रक्रिया 1 ऑगस्ट 2025 पासून सुरू झाली असून, शेवटची तारीख 2 नोव्हेंबर 2025 आहे.

मुलाखतीची तारीख आणि ठिकाण

कोकण रेल्वेच्या भर्तीसाठी इच्छुक उमेदवारांना मुलाखतीसाठी 12, 15, 16 आणि 18 सप्टेंबर 2025 रोजी उपस्थित राहता येईल. मुलाखत कोकण रेल्वेच्या मुख्य कार्यालयात, एक्झिक्युटिव्ह क्लब, कोकण रेल्वे विहार, सीवुड्स रेल्वे स्टेशनजवळ, नवी मुंबई येथे घेण्यात येणार आहे.

पात्रता आणि आवश्यक शैक्षणिक अर्हता

सहाय्यक विद्युत अभियंता: इलेक्ट्रिकल/इलेक्ट्रॉनिक्स अभियांत्रिकीमध्ये 60% गुणांसह पदवी/डिप्लोमा आणि अनुभव आवश्यक.

वरिष्ठ तांत्रिक सहाय्यक/ईएलई & कनिष्ठ तांत्रिक सहाय्यक/ईएलई: इलेक्ट्रिकल/इलेक्ट्रॉनिक्स अभियांत्रिकीमध्ये 60% गुणांसह पदवी/डिप्लोमा आणि अनुभव आवश्यक.

तांत्रिक सहाय्यक/ईएलई: कोणत्याही ट्रेडमध्ये आयटीआय आणि अनुभव आवश्यक.

वयाची अट: सहाय्यक विद्युत अभियंता, वरिष्ठ तांत्रिक सहाय्यक/ईएलई व कनिष्ठ तांत्रिक सहाय्यक/ईएलई या पदांसाठी वय 45 वर्षांपर्यंत, तर तांत्रिक सहाय्यक/ईएलई पदासाठी 35 वर्षांपर्यंत.

अर्ज शुल्क: विशेष म्हणजे, या भरतीसाठी अर्ज करणाऱ्यांना कोणतीही फी भरावी लागणार नाही.

अर्ज कसा करावा?

ऑनलाइन अर्ज करा: अर्ज प्रक्रिया 1 ऑगस्टपासून सुरू झाली आहे.

मुलाखतीसाठी तयार रहा: मुलाखत ठिकाणी जाताना, बायो-डाटा आणि शैक्षणिक प्रमाणपत्रांच्या मूळ प्रती व साक्षांकित प्रती घेऊन जा.

मुलाखत तारीख: उमेदवारांना 12, 15, 16 आणि 18 सप्टेंबर 2025 रोजी मुलाखतीसाठी उपस्थित राहण्याचे आवाहन करण्यात आले आहे.

कोकण रेल्वेच्या या भरतीसाठी अर्ज करणे आणि मुलाखतीसाठी तयारी करणे ही मोठी संधी आहे. कोकण रेल्वेत नोकरी मिळवून तुमच्या करिअरला एक नवा वळण देण्यासाठी ही एक उत्तम संधी ठरू शकते.